IPLની 55મી મેચમાં ચેન્નાઈ સુપર કિંગ્સે દિલ્હી કેપિટલ્સને 27 રનથી હરાવ્યું હતું. એમએ ચિદમ્બરમ સ્ટેડિયમમાં બંને ટીમો સામસામે આવી હતી. ચેન્નાઈના કેપ્ટન મહેન્દ્ર સિંહ ધોનીએ ટોસ જીતીને બેટિંગ કરવાનો નિર્ણય કર્યો હતો. ચેન્નાઈએ 20 ઓવરમાં આઠ વિકેટે 167 રન બનાવ્યા હતા. જવાબમાં દિલ્હી કેપિટલ્સની ટીમ 20 ઓવરમાં આઠ વિકેટે 140 રન જ બનાવી શકી હતી.
બોલરોના શાનદાર પ્રદર્શનના આધારે ચેન્નાઈ સુપર કિંગ્સે IPLની વર્તમાન સિઝનમાં સાતમી જીત મેળવી છે. આ જીત સાથે તે પોતાને પ્લેઓફની નજીક લઈ ગયો છે. તેના હવે 12 મેચમાં 15 પોઈન્ટ છે. બીજી તરફ દિલ્હી કેપિટલ્સનો 11 મેચમાં આ સાતમી હાર છે. તેમાં માત્ર આઠ અંક છે. દિલ્હીની આગામી મેચ 13 મેના રોજ પંજાબ કિંગ્સ સામે થશે.ચેન્નાઈની ટીમ 14 મેના રોજ કોલકાતા સામે ટકરાશે.
ચેન્નાઈના કેપ્ટન મહેન્દ્ર સિંહ ધોનીએ ટોસ જીતીને બેટિંગ કરવાનો નિર્ણય કર્યો હતો. ચેન્નાઈએ 20 ઓવરમાં આઠ વિકેટે 167 રન બનાવ્યા હતા. જવાબમાં દિલ્હી કેપિટલ્સની ટીમ 20 ઓવરમાં આઠ વિકેટે 140 રન જ બનાવી શકી હતી. ચેન્નાઈના બોલરોએ આ મેચમાં શાનદાર પ્રદર્શન કર્યું હતું. મતિશ પથિરાનાએ ત્રણ અને દીપક ચહરે બે વિકેટ ઝડપી હતી. રવિન્દ્ર જાડેજાને સફળતા મળી. ચેન્નાઈના ચાર બોલરોએ આઠથી વધુ ઈકોનોમી રેટ પર રન આપ્યા ન હતા.
