કોરોનાવાઇરસ નું A ટુ Z જાણો, 60 વર્ષમાં 6 વાર તબાહી મચાવી ચુક્યો છે , ખતરનાક છે લક્ષણો

કોરોનાવાયરસ ગયા વર્ષે ચીનના હુબેઇ પ્રાંતની રાજધાની વુહાનથી ફેલાવા લાગ્યો હતો. કેટલાક લોકો તેને વુહાન કોરોનાવાયરસ પણ કહી રહ્યા છે. પરંતુ વુહનમાં તેની શોધ નથી થઇ. કોરોનાવાયરસ 60 વર્ષ પહેલાં મળી આવ્યો છે. ત્યારથી તે અનેક વખત તબાહી મચાવી ચુક્યો છે.

કોરોનાવાયરસની શોધ 1960 ના દાયકામાં થઈ હતી. પછી તેને બ્રોંકાઇટિસ વાયરસ કહેવામાં આવતું. ત્યારબાદ આ વાયરસ ચિકનમાં જોવા મળ્યો હતો. આ પછી માણસોના નાકમાં અને ગળામાં વધુ ખતરનાક રીતે જોવા મળ્યો હતો.માણસોના નાક અને ગળામાં બે પ્રકારના કોરોનાવાયરસ મળી આવ્યા છે. તેમના નામ છે – હ્યુમન કોરોનાવાયરસ 229E અને હ્યુમન કોરોનાવાયરસ ઓસી 43. આ બંને વાયરસ ખૂબ જોખમી છે. તે સામાન્ય શરદી શરદીથી શરૂ થાય છે અને જીવલેણ ન્યુમોનિયાનું સ્વરૂપ લે છે.

આ પછી, કોરોનાવાયરસનું સૌથી ખતરનાક સ્વરૂપ 2003 માં બહાર આવ્યું. તેને સાર્સ-કો.વી. કહેવાતું. આ વાયરસને કારણે વિશ્વભરમાં 8096 લોકોને ચેપ લાગ્યો હતો. તેમાંથી 774 લોકો માર્યા ગયા હતા.

2004 માં, કોરોનાવાયરસનું નવું સ્વરૂપ મળ્યું. તેનું નામ હ્યુમન કોરોનાવાયરસ એનએલ 63 છે. નેધરલેન્ડ્સમાં સાત મહિનાના બાળકમાં વાયરસ મળી આવ્યો હતો. આ પછી, આ વાયરસના ચેપના સમાચાર વિશ્વભરમાંથી આવ્યા હતા.પરંતુ કોઈના મૃત્યુના સમાચાર મળ્યા નથી.

વર્ષ 2005 માં, કોરોનાવાયરસનું એક અલગ સ્વરૂપ બહાર આવ્યું. જેનું નામ હ્યુમન કોરોનાવાયરસ એચક્યુ 1 હતું. આ વાયરસનો પ્રથમ દર્દી ચીનના શેનઝેનનો 70 વર્ષનો માણસ હતો. તેને ન્યુમોનિયા હતો. આ વાયરસના 10 પીડિતો મળી આવ્યા હતા. પરંતુ તેનાથી કોઈનો જીવ ગયો ન હતો.

2012 માં મધ્ય પૂર્વ એશિયામાં કોરોનાવાયરસ ફરી દેખાયો. સૌ પ્રથમ સાઉદી અરેબિયામાં તેની શોધ થઈ. તેનું નામ મિડલ ઇસ્ટ રેસ્પિરેટરી સિંડ્રોમ કોરોનાવાયરસ હતું. 2015 માં પણ વાયરસ ફરીથી ફેલાયો. ત્યારબાદ તેને સાઉદી અરેબિયા, જોર્ડન, કતાર, ઇજિપ્ત, યુએઈ, કુવૈત, તુર્કી, ઓમાન, અલ્જીરિયા, બાંગ્લાદેશ, દક્ષિણ કોરિયા, યુએસએ, ચીન અને ઇન્ડોનેશિયામાં લોકોને ચેપ લાગ્યો. જેના કારણે 38 લોકોનાં મોત નીપજ્યાં.

વુહાન કોરોનાવાયરસના આ લક્ષણો છે – તાવ, માથાનો દુખાવો, ગળામાં બળતરા, છાતીમાં દુખાવો, ઉધરસ, ઝડપી ધબકારા, શ્વાસ લેવામાં તકલીફ અને ન્યુમોનિયા. અંતે તેનાથી પીડાતા વ્યક્તિની કિડની ફેઈલ થાય છે અને મોત પણ થઇ શકે છે.

વુહાન કોરોનાવાયરસની રસી બનવામાં લગભગ બે મહિનાનો સમય લાગશે. પરંતુ ત્યાં સુધી તેનાથી બચવા માટેના રસ્તાઓ છે કે – હાથ સાફ રાખો, નાક અને મોં ઢાંકવું, ભોગ બનનારની નજીક ન જવું તેમજ માંસ અને વાસી ખોરાક ન ખાવો.