દેશમાં કોરોના ના કેસ ઝડપથી વધી રહયા છે. દિલ્હી,ગુજરાત અને મહારાષ્ટ્રમાં ખુબ જ વધુ કેસ સામે આવી રહ્યા છે છતાં લોકો બેદરકારી રાખે છે. દિલ્હીના જહાંગીરપુરી વિસ્તારમાં એક જ શેરીમાંથી 46 લોકો કોરોના પોઝિટિવ મળ્યાં છે. આ વિસ્તારની એચ બ્લોક શેરીના આ લોકોને કોરોના ચેપ લાગ્યો છે. 14 એપ્રિલે એચ બ્લોકની ત્રણ લેન પહેલેથી સીલ કરી દેવામાં આવી હતી. પોઝિટિવ મળી આવેલા 46 લોકોને નરેલાના ક્વોરેન્ટાઇન સેન્ટરમાં લઈ જવામાં આવ્યા છે.
જહાંગીરપુરીમાં આ ત્રીજો મોટો કોરોના પોઝિટિવ કેસ નો મામલો નોંધાયો છે. અગાઉ જહાંગીરપુરીના સી બ્લોકમાંથી 31 કેસ નોંધાયા હતા. બીજા જહાંગીરપુરી પોલીસ સ્ટેશન વિસ્તારમાં પોલીસ કર્મચારીમાં એક એએસઆઈની પત્ની સહિત કુલ 7 પોલીસ કોરોના પોઝિટિવ મળી આવ્યા હતા.જહાંગીરપુરીના જુદા જુદા વિસ્તારોમાંથી અત્યાર સુધીમાં 89 કેસ નોંધાયા છે.
બુધવારે જામા મસ્જિદ વિસ્તારમાં એક જ પરિવારના 11 લોકો કોરોના પોઝિટિવ મળ્યાં હતાં. આ જામા મસ્જિદની શેરી બંગડીઓનો કિસ્સો છે. એવું કહેવામાં આવી રહ્યું છે કે પરિવારનો એક સભ્ય વિદેશથી પરત આવ્યો હતો. તે પછી પરિવારજનોમાં ચેપ ફેલાયો. ટેસ્ટ કર્યા બાદ પરિવારના 18 સભ્યોમાંથી 11 સભ્યો પોઝિટિવ જોવા મળ્યા.
દિલ્હીના શાહદારા વિસ્તારમાં 1 ગલીમાં 7 લોકો કોરોના પોઝિટિવ મળી આવ્યા છે. આ 7 લોકોમાં દિલ્હી પોલીસ ક્રાઈમ બ્રાંચમાં તૈનાત એએસઆઈનો પણ સમાવેશ છે. હકીકતમાં, 11 માર્ચે આ શેરીમાં એક 67 વર્ષીય વ્યક્તિનું મોત નીપજ્યું હતું. તે કોરોના પોઝિટિવ હોવાનું જણાયું હતું. આ જ વૃદ્ધ ના પરિવારના 6 લોકોનું ટેસ્ટિંગ કરાયું હતું જે પોઝિટિવ બહાર આવ્યું હતું.
