દિલ્હીના વસંત કુંજમાંથી એક ચોંકાવનારો વીડિયો સામે આવ્યો છે. આ વીડિયોમાં એક સ્પીડમાં જતી કાર એક વ્યક્તિના મૃતદેહને સાથે ખેંચી રહી છે. દિલ્હી પોલીસે જણાવ્યું કે 10 ઓક્ટોબરે NH8ના સર્વિસ રોડ પાસે એક અજાણ્યા વ્યક્તિનો મૃતદેહ ખૂબ જ ગંભીર ઈજાઓ સાથે મળ્યો હતો. મૃતકની ઓળખ ટેક્સી ડ્રાઈવર તરીકે થઈ હતી, જે હરિયાણાના ફરીદાબાદમાં રહેતો હતો.
આ વીડિયો વાયરલ થયા બાદ દિલ્હી પોલીસે આઈપીસીની કલમ 302 અને 201 હેઠળ કેસ નોંધીને તપાસ શરૂ કરી છે. જણાવવામાં આવી રહ્યું છે કે દિલ્હીના વસંત કુંજ વિસ્તારમાં 43 વર્ષીય કેબ ડ્રાઈવરનું રોડ પર લગભગ 200 મીટર સુધી ખેંચાઈ જવાથી મોત થયું હતું.
આ ઘટના પાછળથી આવી રહેલી કારના ચાલકે કેમેરામાં કેદ કરી લીધી હતી. પોલીસે જણાવ્યું હતું કે મંગળવારે રાત્રે લગભગ 11.30 વાગ્યે, એક ડ્રાઇવર માથામાં ગંભીર ઈજા સાથે ગંભીર હાલતમાં રોડ પર મળી આવ્યો હતો. બાદમાં તેની ઓળખ ફરીદાબાદના રહેવાસી બિજેન્દ્ર તરીકે થઈ હતી જે ટેક્સી ડ્રાઈવર તરીકે કામ કરતો હતો.
દિલ્હી પોલીસે જણાવ્યું કે બિજેન્દ્ર મહિપાલપુર વિસ્તારમાં તેની ટેક્સી ચલાવી રહ્યો હતો ત્યારે કેટલાક લૂંટારાઓએ તેની કાર ચોરી કરવાનો પ્રયાસ કર્યો. જ્યારે તેણે વિરોધ કર્યો અને ભાગવાનો પ્રયાસ કર્ય ત્યારે તેઓએ કારથી ટક્કર મારી અને પછી 200 મીટરથી વધુ દૂર સુધી ખેંચીને લઈ ગયા.
