કોરોના ના ડેલ્ટા અને ઓમીક્રોન વેરીએન્ટ બાદ હવે આવ્યું “ડેલ્મીક્રોન”, જાણો કેટલું ખતરનાક છે

છેલ્લા બે વર્ષથી વિશ્વમાં કોરોના રોગચાળો ફેલાવનાર SARS-Cov-2 વાયરસના ડેલ્ટા અને ઓમીક્રોન વેરિઅન્ટના મ્યુટેશનમાંથી નવા વેરિઅન્ટ ડેલમિક્રોનનું મૂળ જાણવા મળ્યું છે. કોરોના રોગચાળો ફેલાવનારા વાયરસના ડેલ્ટા, ઓમિક્રોન અને ડેલમિક્રોન પર કરવામાં આવેલા સંશોધનમાં જાણવા મળ્યું છે કે હાલમાં દેશમાં વાયરસના ત્રીજા નવા પ્રકાર ડેલમિક્રોનનું જોખમ નહિવત છે અને તે ઘણું ઓછું થઈ ગયું છે.

તાજેતરમાં ઓસ્ટ્રેલિયાની વિજ્ઞાન એજન્સી કોમનવેલ્થ સાયન્ટિફિક એન્ડ ઈન્ડસ્ટ્રીયલ રિસર્ચ ઓર્ગેનાઈઝેશન (CSIRO) એ કોરોના રોગચાળો ફેલાવતા સાર્સ કોવ-2 વાયરસના આ ત્રણ પ્રકારો (ડેલ્ટા, ઓમિક્રોન અને ડેલમિક્રોન) પર સંશોધન કર્યું છે, જેના કારણે આ તારણ બહાર આવ્યું છે.

આ સંશોધનનું નેતૃત્વ કરનારા CSIROના કોવિડ-19 પ્રોજેક્ટ લીડર પ્રોફેસર એસએસ વાસને જણાવ્યું હતું કે અમે 1 નવેમ્બર 2021 સુધીમાં વિશ્વના સૌથી મોટા ભંડાર GISAIDમાં 4.2 મિલિયન કોરોના વાયરસ જીનોમ સિક્વન્સ જોયા છે. તેમાં 3688 રેકોર્ડ્સ હતા, જેમાં N501Y તેમજ P681R મ્યુટેશન હતા. આ તમામ અહેવાલો ભારત સહિત 65 દેશોમાંથી લેવામાં આવ્યા હતા, પરંતુ આ બે પરિવર્તન સાથેના પ્રકાર ફ્રાન્સ, તુર્કી અને અમેરિકામાં ફેલાતા ન હતા.

નિષ્ણાતોનું માનવું છે કે અમેરિકા અને યુરોપમાં કોરોના સુનામી લાવવા માટે ખરેખર ડેલમિક્રોન નામનો સ્ટ્રેન જવાબદાર છે. ડેલ્મિક્રોનની ઉત્પત્તિ મુખ્યત્વે ડેલ્ટા અને ઓમિક્રોનના મિશ્રણમાંથી છે. પશ્ચિમી દેશોમાં ઝડપથી ફેલાતા કોવિડ-19નું આ બેવડું સ્વરૂપ છે. જો કે, આ નવા સંશોધને દર્શાવ્યું છે કે ડેલ્ટાના ફેલાવા માટે જવાબદાર ‘P681R’ પરિવર્તન ‘N501Y’ મ્યુટેશન સાથે સંકળાયેલું છે, જે ઓમિક્રોન, આલ્ફા, બીટા અને ગામામાં હાજર છે. ‘P681R’ મ્યુટેશન અને ‘N501Y’ મ્યુટેશનનું મિશ્રણ ચેપ દ્વારા ફેલાતું નથી.