સોની ચેનલ પરનો સૌથી લોકપ્રિય શો ‘ઈન્ડિયાઝ બેસ્ટ ડાન્સર સીઝન-2’ માં ધમાકેદાર પર્ફોમન્સ સાથે સૌમ્યા કામ્બલે એ આ ખિતાબ પોતાના નામે કરી લીધો છે. તમને જણાવી દઈએ કે આ સીઝનમાં ગૌરવ, જમરૂદ, રોજા, રક્તિમ, સૌમ્યા સહીત 5 ફાઇનાલિસ્ટ હતા. જેમાંથી સૌમ્યા વિનર બની હતી.
જો કે, સૌમ્યા કાંબલેની અહીં સુધીની સફર સંઘર્ષથી ભરેલી રહી છે. પિતાની નફરત અને માતાના પ્રેમ વચ્ચે ડાન્સ પરફોર્મન્સ આપવું અને ટાઇટલ જીતવું એ સૌમ્યા કાંબલે માટે મોટી વાત છે. ચાલો જાણીએ કે સૌમ્યા કાંબલેની ભારતની શ્રેષ્ઠ ડાન્સર સીઝન 2 નો ખિતાબ જીતવા સુધીની સફર કેવી રહી..?
સૌમ્યાના પિતા ઇચ્છતા હતા કે તેમની દીકરી ડોક્ટર બને એટલું જ નહિ તેના પિતાને ડાન્સથી ખુબ નફરત હતી. જો કે હંમેશા તેની માતાએ તેને ખુબ સાથ આપ્યો છે અને તેના મનમાં ડાન્સ કરવા માટે તે સતત તેને પ્રેરણા આપતી હતી. ફક્ત 16 વર્ષની આ સૌમ્યાએ આખા સીઝન દરમિયાન ખુબ સારું પ્રદર્શન કાર્ય હતું.
એટલું જ નહીં તેના પરફોર્મન્સને જોઈને શોમાં પહોંચેલી આશા ભોંસલેએ તેને લિટલ હેલનનું નામ પણ આપ્યું હતું. જ્યારે તે ડાન્સિંગ સ્ટાઈલ, બેલી ડાન્સિંગ અને ફ્રી-સ્ટાઈલ ડાન્સથી બધાના દિલ જીતવામાં સફળ રહી ત્યારે તે જ પિતાએ દીકરીની સામે હાર માની લેવી પડી.કહેવાય છે કે સૌમ્યાના પિતા શરૂઆતથી જ તેના ડાન્સથી નારાજ થઈ જતા હતા અને તેને ડાન્સ કરવા દેતા ન હતા. બીજી તરફ સૌમ્યા પોતાની જીદ પર અડગ રહી અને આ સ્પર્ધામાં પોતાની જાતને સાબિત કરી અને તેના પિતાનું સન્માન પણ વધાર્યું. તે જ સમયે, શોના નિર્ણાયકોએ પણ સૌમ્યાની હિંમત વધારવામાં પીછેહઠ ન કરી અને તેના કારણે તે શોનું ટાઇટલ જીતવામાં સફળ રહી.
તેની તબિયત સારી હતી નહિ એટલે સૌમ્યા ફિનાલેમાં હાજર રહી હતી નહિ પણ તે વિડિઓ કોલથી સતત જોડાયેલ હતી. જેવું જજે જાહેર કર્યું કે સૌમ્યા વિનર છે ત્યારે તે ખુશીથી નાચી ઉઠી હતી. એટલું જ નહિ પણ તેના પિતા પણ ખુબ ખુશ થઇ ગયા હતા.તમને જણાવી દઈએ કે, ઈન્ડિયાઝ બેસ્ટ ડાન્સર ટ્રોફી મેળવવાની સાથે સૌમ્યાને 15 લાખ રૂપિયાનો ચેક મળ્યો છે અને આ સિવાય તેને એક ચમકતી કાર પણ મળી છે.
સૌમ્યાની કોરિયોગ્રાફર વર્તિકા ઝાને પણ 5 લાખ રૂપિયાનો ચેક આપવામાં આવ્યો છે. આ શોમાં નર્તકો ટેરેન્સ લુઈસ, ગીતા કપૂર અને મલાઈકા અરોરા દ્વારા નિર્ણાયક હતા, જ્યારે ફાઇનલિસ્ટમાં અભિનેત્રી શિલ્પા શેટ્ટી અને બાદશાહ નિર્ણાયક તરીકે હતા.શોમાં જ્યાં સૌમ્યા નંબર 1 બની હતી ત્યારે જયપુરનો ગૌરવ ફર્સ્ટ રનરપ બન્યો હતો. એ સિવાય રોજા એ સેકન્ડ રનરઅપ બન્યો હતો.
આ સિવાય જમરૂદ એ ફોર્થ રનરઅપ બન્યો હતો. તમને જણાવી દઈએ કે સૌમ્યા 11માં ધોરણમાં ભણે છે અને શો જીત્યા પછી પણ તે ભણવાનું ચાલુ રાખવાની છે. તે સોશિયલ મીડિયા પર ખુબ એક્ટિવ રહેતી હોય છે અને તેના ફોલોઅર્સ પણ ઘણા છે લોકોને તેનો ડાન્સ ખુબ પસંદ આવે છે.
