સોના અને ચાંદી માં છેલ્લા કેટલાક અઠવાડિયાથી ચાલી રહેલી ઐતિહાસિક તેજી બાદ હવે કડાકો થયો છે.સતત બીજા દિવસે સોના અને ચાંદીના ભાવમાં ભારે ઘટાડો નોંધાયો છે. આંતરરાષ્ટ્રીય બજારમાં નફાખોરી (Profit-taking) અને અમેરિકન ડૉલરની મજબુતી (Strong Dollar)ને કારણે રોકાણકારોએ કિંમતી ધાતુઓમાં વેચવાલી વધારતા ભાવ પર દબાણ આવ્યું છે.
(Gold Price Crash):આજે સોનાના ભાવમાં નોંધપાત્ર કડાકો જોવા મળ્યો છે. ગત સેશનમાં સોનું ₹1,83,962 પ્રતિ 10 ગ્રામ પર બંધ થયું હતું, જ્યારે આજે બજાર ખુલતા જ તે ₹1,80,499 પર ઓપન થયું. ટ્રેડિંગ દરમિયાન સોનાનો ભાવ વધુ ઘટીને ₹1,78,326 સુધી પહોંચી ગયો, જે અંદાજે 3.06 ટકાનો ઘટાડો દર્શાવે છે. કુલ મળીને, ગત બંધ ભાવની સરખામણીએ સોનામાં લગભગ ₹8,862 પ્રતિ 10 ગ્રામનો ભારે ઘટાડો નોંધાયો છે. જો કે, દિવસ દરમિયાન થોડી રિકવરી (Price Recovery) જોવા મળી હતી અને સમાચાર લખાય ત્યાં સુધી સોનું ₹1,78,326 આસપાસ ટ્રેડ થઈ રહ્યું હતું.
ચાંદીના ભાવમાં વધુ તીવ્ર કડાકો (Silver Price Fall): ચાંદીના ભાવમાં સોનાની તુલનાએ વધુ તેજ ઘટાડો નોંધાયો છે. અગાઉ ચાંદી ₹3,99,893 પ્રતિ કિલો પર બંધ થઈ હતી, જ્યારે આજે બજાર ખુલતાં જ તે ₹3,83,898 પર આવી ગઈ. ટ્રેડિંગ દરમિયાન ચાંદીનો ભાવ ₹3,79,831 સુધી ઘટ્યો, જે અંદાજે 5.02 ટકાનો મોટો ઘટાડો છે. એક જ દિવસમાં ચાંદીના ભાવમાં લગભગ ₹23,993 પ્રતિ કિલોનો કડાકો જોવા મળ્યો છે. જોકે, બાદમાં થોડો સુધારો (Intraday Recovery) જોવા મળ્યો અને ચાંદી ₹3,79,831 આસપાસ ટ્રેડ થતી રહી.
(Reasons Behind Gold-Silver Correction):બજાર નિષ્ણાતોના જણાવ્યા અનુસાર, સોનું અને ચાંદી તાજેતરમાં રેકોર્ડ હાઈ લેવલ (Record High Levels) સુધી પહોંચ્યા હતા. આ કારણે હવે રોકાણકારો નફો વસૂલવા (Profit Booking) લાગ્યા છે. સાથે જ, અમેરિકન ડૉલરની મજબૂતી અને વૈશ્વિક બજારમાં વ્યાજદર અંગેની અનિશ્ચિતતાએ કિંમતી ધાતુઓ પર દબાણ વધાર્યું છે. તેમ છતાં, ભૌગોલિક-રાજકીય તણાવ (Geopolitical Tension) અને વૈશ્વિક અનિશ્ચિતતા લાંબા ગાળે સોના-ચાંદી માટે સપોર્ટિવ સેન્ટિમેન્ટ જાળવી રાખી શકે છે, એવું નિષ્ણાતો માને છે.
