આતંકી સંગઠન ISIS સાથે સંકળાયેલ લોકોને ઝડપી પાડી ગુજરાત ATSએ પાર પાડ્યું મોટું ઓપરેશન
![](/wp-content/uploads/2023/06/Gujarat-ATS-conducted-a-major-operation-to-arrest-people-associated-with-the-terrorist-organization-ISIS.jpg)
પોરબંદરમાં ગુજરાત ATS દ્વારા સૌથી મોટું ઓપરેશન પાર પાડવામાં આવ્યું છે. ગુજરાતમાંથી આતંકવાદી સંગઠન ISISના મોડ્યુલનો ગુજરાત ATS દ્વારા એક મહિલા સહિત 4 લોકોની ધરપકડ કરીને પર્દાફાશ કરવામાં આવ્યો છે. છેલ્લા 1 વર્ષથી આ ચારેય લોકો એકબીજાના સંપર્કમાં હતા અને તેઓ આતંકવાદી સંગઠન ISISના સક્રિય ગૃપના સભ્યો છે. ત્યારે ગુજરાત ATS એ ગુપ્ત બાતમીના આધારે પોરબંદર પહોંચીને આતંકી સંગઠન ISIS સાથે સંકળાયેલ 4 લોકોની ધરપકડ કરી હતી.
પ્રાપ્ત માહિતી અનુસાર, ગુજરાત ATSની ટિમ શુક્રવાર સવારના સમયથી જ પોરબંદર ખાતે હતી. અને તેમની સાથે આ કાર્યવાહીમાં ત્યારે પોરબંદર પહોંચેલી ટીમની સાથે ATSના ઇન્સ્પેકટર જનરલ દીપન ભદ્રન સામેલ હતા. ત્યારે બાતમીના આધારે ગુજરાત ATSની ટીમે સુરતની એક મહિલા સહિત કુલ 4 લોકોની ધરપકદ કરી છે. આતંકવાદી સમગઠન ISISના સક્રિય ગ્રુપના આ ચારેય લોકો સભ્યો છે. ATSએ બાતમીના આધારે દરોડા પડતા અનેક પ્રતિબંધિત વસ્તુઓ પણ મળી આવી છે. ISISમાં જોડાવવા માટે થઈને આ ચારેય લોકો ભાગી જવાની ફિરાકમાં હતા. છેલ્લા 1 વર્ષથી આ ચારેય આતંકીઓ એકબીજાના સંપર્કમાં હતા. જાણકારી અનુસાર, સીમા પાર બેઠેલા આકાઓ સાથે આ લોકો સતત સંપર્કમાં હતા અને તેમના જ ઈશારે આ લોકો કટ્ટરપંથી બન્યા હતા.
તમને જણાવી દઇએ કે, ગુજરાત ATSની ટીમ શુક્રવાર સવારમાં સમયથી જ અચાનક પોરબંદર ખાતે પહોંચી હતી. જેના લીધે થઈને શહેર પોલીસ પણ દોડતી થઈ ગઇ હતી. સ્પેશિયલ ઓપરેશન ગ્રુપ (SOG) ઓફિસ ખાતે ગુજરાત ATSની ટીમ આવી પહોંચી હતી. અને બાદ આ આતંકીઓને ઝડપી પાડવા માટે કાર્યવાહી હાથ ધરી હતી. હાલ તો ગુજરાત ATS દ્વારા આ ચારેય લોકોની પૂછપરછ હાથ ધરવામાં આવી છે.