ભારતના સ્ટાર ખેલાડી રિષભ પંત શુક્રવારે કાર અકસ્માતમાં ગંભીર રીતે ઘાયલ થયો હતો. આ અકસ્માત બાદ તેને દેહરાદૂનની મેક્સ હોસ્પિટલમાં દાખલ કરવામાં આવ્યો છે જ્યાં તેની સારવાર ચાલી રહી છે. રિષભની હાલત હવે ઠીક છે અને તે વાત કરી રહ્યો છે. ડીડીસીએના ડિરેક્ટરે શનિવારે રિષભને મળ્યા બાદ અકસ્માતનું કારણ સમજાવ્યું. તેણે કહ્યું હતું કે ઋષભ ખાડાથી બચવાનો પ્રયાસ કરી રહ્યો હતો, જેના કારણે તેની કાર પર કાબૂ ગુમાવ્યો અને તે અકસ્માતનો ભોગ બન્યો.
રવિવારે ઉત્તરાખંડના સીએમએ પણ ઋષભને મળ્યા બાદ કહ્યું હતું કે તેઓ ખાડાઓથી બચવાનો પ્રયાસ કરી રહ્યા છે, પરંતુ હવે નેશનલ હાઈવે ઓથોરિટી ઓફ ઈન્ડિયાના પ્રોજેક્ટ ડિરેક્ટર રૂરકીએ કહ્યું છે કે ત્યાં કોઈ ખાડા નથી. જે જગ્યાએ ઋષભનો અકસ્માત થયો હતો, ત્યાં નેશનલ હાઈવે ઓથોરિટી ઓફ ઈન્ડિયા (NHAI)એ શનિવારે મોડી રાત્રે રિપેરિંગનું કામ શરૂ કર્યું હતું. પરંતુ આ દરમિયાન હાઇવે પર ટ્રાફિક જામ થતાં આ કામ અધૂરું રહી ગયું હતું.
NHAI પ્રોજેક્ટ ડાયરેક્ટર (રુરકી) પીએસ ગુસૈને દાવો કર્યો હતો કે રસ્તા પર કોઈ ખાડા નથી અને તેઓએ માત્ર રસ્તાને ઠીક કરવા માટે પેચવર્ક કર્યું હતું. “ક્રિકેટરો જેને ખાડાઓ તરીકે ઓળખે છે તે રસ્તાના ઉતાર-ચઢાવ હોઈ શકે છે.”તેમણે વધુમાં જણાવ્યું હતું કે “દિલ્હી-હરિદ્વાર હાઈવેના નરસન અને મેંગ્લોર સેક્શન પર કોઈ ખાડા નહોતા, પરંતુ રસ્તો બિસમાર હતો, અને અમારી ટીમે માત્ર રસ્તાને સરળ બનાવવા માટે પેચવર્ક કર્યું હતું, પરંતુ કેનાલને કારણે, રોડની નજીકનો રસ્તો ખરાબ થઈ ગયો હતો.
The work of filling potholes at the accident spot is going on at night. NHI started filling potholes at night in a hurry, #RishabhPant was trying to avoid a pothole and lost control of his car.#NHI #RishabhPantCarAccident pic.twitter.com/0mF2V3snPZ
— Akshay Goyal (@akshaygoyalaksh) January 1, 2023
અકસ્માત સ્થળની પહોળાઈ ઘટે છે. સમસ્યાના નિરાકરણ માટે અમે સિંચાઈ વિભાગ સાથે વાત કરી રહ્યા છીએ. અમે સિંચાઈ વિભાગને કેનાલ ખસેડવા વિનંતી કરી હતી પરંતુ તેમના અધિકારીઓએ કહ્યું હતું કે ચારે બાજુ ખાનગી જમીન છે અને તેથી તે શક્ય નથી. અમે જિલ્લા વહીવટીતંત્રને કેનાલને ખસેડવા માટે પત્રો પણ મોકલ્યા છે જેથી કરીને અમે હાઇવેનો વિસ્તાર પહોળો કરી શકીએ.”
