દેશમાં લોકડાઉન લાગુ થવાને કારણે લોકોમાં લુડો ગેમ નલાઇન રમવાનો ટ્રેન્ડ ખુબ જ ઝડપથી વધી રહ્યો છે, પરંતુ તેના વિશે લોકોમાં વિવાદના અહેવાલો પણ સામે આવ્યા છે. આવો જ એક સમાચાર ગુજરાતના વડોદરાથી આવ્યો છે. જ્યાં તમને જણાવી દઈએ કે લુડોમાં પત્નીને તેના પતિએ ખરાબ રીતે માર માર્યો હતો.
મળતી માહિતી અનુસાર પતિના માર મારવાના કારણે 24 વર્ષીય મહિલાને કરોડરજ્જુની ગંભીર ઇજાઓ થઈ હતી અને તાત્કાલિક હોસ્પિટલમાં ખસેડાઈ હતી. 181 અભયમ હેલ્પલાઈનના સલાહકારોના જણાવ્યા મુજબ, મહિલા પરિવારની આવકમાં ફાળો આપવા માટે વેમાલીમાં તેના ઘરે બાળકોને ટ્યુશન શીખવે છે.
મહિલાએ તેના પતિને સોસાયટીના અન્ય લોકો સાથે સમય વિતાવવાને બદલે તેની સાથે મોબાઇલ પર લુડો રમવા કહ્યું. તે ઈચ્છતી હતી કે તેનો પતિ ઘરે જ રહે અને લોકડાઉન દરમિયાન પરિવાર સાથે સમય વિતાવે છે.
તેણે જણાવ્યું કે લુડોની રમતમાં મહિલાએ તેના પતિને સતત ત્રણથી ચાર વાર હરાવ્યો હતો. ગુસ્સે થયેલા પતિએ તેની સાથે દલીલ શરૂ કરી, જે જોતજોતામાં જ વધી ગઈહતી. આ પછી તેણે તેને નિર્દયતાથી માર મારવાનું શરૂ કરી દીધું હતું અને માર મારવાના કારણે મહિલાને કરોડરજ્જુની ગંભીર ઇજાઓ પહોંચી હતી.
કાઉન્સેલરે કહ્યું કે તેના અહંકારને એવું વિચારીને દુ:ખ થયું છે કે તેની પત્નીએ તેને રમતમાં હરાવ્યો છે અને તે તેના કરતા વધુ હોશિયાર છે. તે પરિવારની આવકમાં પણ ફાળો આપી રહી છે.
તેણે જણાવ્યું કે મહિલાનો પતિ ઇલેક્ટ્રોનિક્સ કંપનીમાં નોકરી કરે છે અને બંનેને ટકાવી રાખવા માટે પૂરતી કમાણી કરે છે. તેઓએ તેમના હોમ લોનના હપ્તા પણ ચુકવવા પડ્યા, જેના કારણે મહિલાએ બાળકોને ટ્યુશન શીખવવાની શરૂઆત કરી અને બ્યુટિશિયનનો કોર્સ પણ કર્યો છે.
કાઉન્સેલરે કહ્યું કે, સારવાર બાદ મહિલા તેના પતિના ઘરે જવાને બદલે તેના માતાપિતાના ઘરે ગઈ હતી. તેણે જણાવ્યું હતું કે અગાઉ તે કેટલાક દસ્તાવેજો એકત્રિત કરવા તેના ઘરે જવા માંગતી હતી.
પ્રોજેક્ટ કો-ઓર્ડીનેટર ચંદ્રકાંત મકવાણાએ જણાવ્યું હતું કે અમારા સલાહકારોએ મહિલાને પોલીસમાં કેસ નોંધવાનો કે કેસ નિવારણનો વિકલ્પ આપ્યો હતો. આ કેસમાં પતિએ મહિલાની માફી માંગી છે અને તેણે કેસ નોંધાવવાનો નિર્ણય પણ લીધો નથી. તેથી અમે તેમને સાથે રહેવાની સલાહ આપી છે.
કાઉન્સેલરે મહિલાના પતિને ચેતવણી આપી હતી કે શારીરિક સતામણી એ ગુનો છે અને જો તે કરે તો તેની ધરપકડ થઈ શકે છે. તેણે કહ્યું કે તે આ સમજી ગયો છે અને તેની પત્નીની માફી માંગી છે. પત્નીએ માતાના ઘરેથી પતિના ઘરે પરત આવવાની સંમતિ પણ આપી છે.
