‘તારક મહેતા કા ઉલ્ટા ચશ્મા’ દર્શકોના પ્રિય શોમાંથી એક છે. ઘણા વર્ષોથી, ચાહકો આ સીરિયલને ખૂબ પસંદ કરે છે, જેના કારણે આ શો હંમેશા TRP લિસ્ટમાં ટોપ પર રહે છે. તારક મહેતા કા ઉલ્ટા ચશ્મા હાલમાં SAB ટીવી પર સૌથી લાંબો સમય ચાલતો શો છે. 2008માં શરૂ થયેલી આ સિરિયલે TRPના તમામ રેકોર્ડ તોડી નાખ્યા અને ઘર-ઘરમાં જાણીતી બની ગઈ.
થોડા દિવસો પહેલા આ શોની એક્સ-કાસ્ટે મેકર્સ પર ઘણા આરોપો લગાવ્યા હતા. અને હવે શોમાં તારક મહેતામાં બાવરી જીની ભૂમિકા ભજવતી મોનિકા ભદોરિયાએ કંઈક ખુલાસો કર્યો હતો, તેણે તાજેતરમાં જ એક ઈન્ટરવ્યુ દરમિયાન દયાબેનને શો છોડવાનું કારણ આપતા એક સંકેત આપ્યો હતો. તેણે કહ્યું કે શું દિશા વાકાણીને પણ આવી પરિસ્થિતિઓમાંથી પસાર થવું પડ્યું હશે?
મોનિકાએ કહ્યું કે કંઈક એવું બન્યું હશે જે દયાબેનને ગમ્યું ન હોય, તેણે કહ્યું કે હું ટિપ્પણી કરવા માંગતી નથી. કદાચ તેઓને સારી ચૂકવણી કરવામાં આવી ન હોય. એક્ટ્રેસ મોનિકા ભદોરિયાએ કહ્યું હતું કે પેમેન્ટના મુદ્દે ઘણા સ્ટાર્સે શો છોડી દીધો છે.છેલ્લા કેટલાક અઠવાડિયામાં, કેટલીક ભૂતપૂર્વ અભિનેત્રીઓએ શોના નિર્માતાઓ પર ઘણા આરોપો લગાવ્યા છે. આ બધું ત્યારે શરૂ થયું જ્યારે જેનિફર મિસ્ત્રીએ અસિત કુમાર મોદી પર અનેક આરોપો લગાવ્યા.
આ પછી ભૂતપૂર્વ અભિનેત્રી મોનિકા ભદોરિયા ખુલ્લેઆમ સામે આવી છે, તેણે એક ઈન્ટરવ્યુમાં જણાવ્યું હતું કે અભિનેત્રી મુનમુન દત્તા અસિત કુમાર મોદી સાથે ઝઘડો કરતી હતી. ચાહકો દયાબેનને શોમાં જોવા ઇચ્છે છે, પરંતુ ઘણી વખત એવા સમાચાર આવે છે કે દયાબેન શોમાં પરત ફરશે, પરંતુ હજુ સુધી દયાબેન શોમાં પરત ફર્યા નથી.
