બોલિવૂડની જાણીતી પ્લેબેક સિંગર કનિકા કપૂર કોરોના પોઝિટિવ હોવાનું જાણવા મળ્યું છે. તે 15 માર્ચે લંડનથી લખનઉ આવી હતી. આજદિન સુધી પ્રાપ્ત માહિતી અનુસાર તે ગ્રાઉન્ડ સ્ટાફની મિલીભગતથી એરપોર્ટ પર થી ચેકઅપ વગર ભાગી હતી. કનિકાએ રવિવારે લખનઉના ગેલેંટ એપાર્ટમેન્ટ્સમાં એક પાર્ટીનું આયોજન કર્યું હતું, જેમાં લખનૌના તમામ વરિષ્ઠ અધિકારીઓ અને ઘણા નેતાઓએ ભાગ લીધો હતો. આ ઘટના સામે આવતા સમગ્ર એપાર્ટમેન્ટમાં હોબાળો મચી ગયો છે.
હાલ બધાં ડરી ગયા છે. નોકરો અને પાર્ટી કેટરર્સના તમામ લોકો પણ ભયમાં છે. સમાચાર એ પણ છે કે કનિકા લખનઉની તાજ હોટેલમાં રોકાઈ હતી. જ્યાં સુધી શાલીમાર ગેલન્ટના રહેવાસીઓની વાત છે, તો આ એપાર્ટમેન્ટના મોટાભાગના રહેવાસીઓ હવે આ બિલ્ડિંગ છોડીને અન્ય સ્થળોએ જતા રહ્યા છે. કનિકા કપૂરનો આખો પરિવાર આ બિલ્ડિંગમાં રહે છે અને હવે તેનો આખો પરિવાર આઇસોલેશનમાં રાખવામાં આવ્યો છે.
મળતી માહિતી મુજબ આરોગ્ય વિભાગે તમામ લોકોને જાણ કરી છે જેઓ કંઈકના સંપર્કમાં આવ્યા હતા. હાલમાં કોઈ પણ અન્ય વ્યક્તિમાં કોરોનાનાં લક્ષણો જોવા મળ્યાં નથી.
કનિકાના પિતા રાજીવ કપૂરે કહ્યું કે તે લંડનથી પરત ફર્યા બાદ લગભગ 3-4 પાર્ટીનો ભાગ બની છે અને આ દરમિયાન તે લગભગ 300 થી 400 લોકોના સંપર્કમાં આવી છે. કનિકા જ્યાં રહે છે તે બિલ્ડિંગમાંથી હાલ લોકોએ હંગામોં કર્યો છે.તેમણે વધુ જણાવ્યું હતું કે તેના આખા પરિવારનો ટેસ્ટ કરવામાં આવશે. કનિકાના પરિવારમાં 6 લોકો છે, તે બધાના ટેસ્ટ કરવાના છે. પરિવારે સંપર્કમાં આવેલા અન્ય લોકોને પણ પરીક્ષણ કરાવવા જણાવ્યું છે.
