વડોદરાના હરણી તળાવ માં વિદ્યાર્થીઓ થી ભરેલી બોટ પલટી ખાઈ લીધી હતી. આ બોટમાં 23 બાળકો અને 4 શિક્ષકો આ બોટમાં સવાર રહેલા હતા. જેમાં 17 લોકોના કરૂણ મૃત્યુ નીપજ્યા છે. જેમાં ૧૨ બાળકો અને બે શિક્ષકોના આ દુર્ઘટનામાં મૃત્યુ નીપજ્યા છે. આ દુર્ઘટનાને લઈને સમગ્ર શહેરમાં શોકનું મોંજુ ફરી વળ્યું છે. વાઘોડીયાની સનરાઇઝ સ્કૂલના બાળકો રહેલા હતા. જ્યાંરે બોટિંગ દરમ્યાન ક્ષમતા કરતા વધુ લોકોને બેસાડાતા બોટનું બેલેન્સ બગડી ગયું હતું. તેના લીધે બોટ પલટી જતા બાળકો તળાવમાં ડૂબી ગયા હતા. એવામાં વડોદરાના હરણી તળાવમાં બાળકો ડૂબી જવા મામલે ન્યુ સનરાઈઝ સ્કૂલના શિક્ષિકા સ્વાતિબેન દ્વારા મોટું નિવેદન આપવામાં આવ્યું છે.
સનરાઈઝ સ્કૂલના શિક્ષિકા સ્વાતિબેને જણાવ્યું છે કે, અમે બાળકોને લઈને સવારે તળાવે પહોંચ્યા હતા. 82 બાળકોમાંથી 25 બાળકો બોટિંગ કરવામાં બાકી રહેલા હતી. બોટનાં ડ્રાયવર દ્વારા જણાવવામાં આવ્યું હતું કે, બધા જ બોટમાં આવી જશે. ત્યાર બાદ મે ફાલ્ગુની બેનને વાત કરી હતી કે, આટલી બધી સવારી બોટમાં શક્ય રહેલ નથી. ફાલ્ગુનીબેન અને સ્વાતિબેન દ્વારા બોટવાળાને ન બેસવા જણાવ્યું હતું. બોટવાળાએ જણાવ્યું કે, આ અમારૂ રોજનું કામ રહેલ છે. તમે ચિંતા ના કરો અમે બેલેન્સ કરી લઈશું. ત્યાર બાદ બોટમાં કુલ 31 લોકોને બેસાડવામાં આવ્યા હતા.
તેની સાથે વધુમાં જણાવ્યું કે, બોટ કિનારાથી થોડાક દૂર જતાની સાથે એક નમી ગઈ હતી. ત્યાર બાદ બોટમાં પાણી ભરાવવાનું શરુ થઈ ગયું હતું. બોટ તેના પછી એક નમી જતા હું જાતે પાણીમાં પડી ગઈ હતી. મેં બોટનું એક દોરડું પકડી રાખવાની સાથે એક બાળકને પણ પકડી રાખ્યું હતું. જ્યારે કોઈક વસ્તુ મારા હાથમાં આવી જતા હું કિનારા સુધી પહોંચી ગઈ હતી. બહાર જેટલા પણ બાળકો રહેલા હતા. તેઓના માતા-પિતા દ્વારા આવીને પોત પોતાના બાળકોને લઈ જવામાં આવ્યા હતા. ડૂબી ગયેલ બાળકોના મૃતદેહ બહાર આવવાના દ્રશ્યો જોતા જ મને શું ગયું તેની મને કંઈપણ ખબર નથી. ત્યાર બાદ હું હોસ્પિટલમાં સારવાર હેઠળ રહેલ છે.
