આપણાં દેશમાં પહેલીવાર બ્લોકચેન લગ્ન થયા, ક્રિપટોકરન્સી વૉલેટમાં NFT ટ્રાન્સફર થતાં જ થઈ ગયા લગ્ન
કોરોના કાળમાં ડિજિટલ લગ્નનું ચલણ ચાલી રહયું છે. હવે આપણાં દેશમાં પહેલીવાર બ્લોકચેન લગ્ન પણ પૂરા થયા છે. ડિજિટલ લગ્નમાં દુલ્હા અને દુલ્હન ડિજિટલ લગ્ન કરતાં હોય છે અને બધા મહેમાન ઓનલાઈન જ બંનેને લગ્નના આશીર્વાદ આપતા હોય છે. તો બીજી બાજુ ફૂડ ડિલિવરી કંપની દ્વારા મહેમાનના ઘરે જ પાર્ટીનું જમવાનું મોકલવામાં આવી દેવામાં આવતું હતું. હવે આપણાં દેશમાં આનાથી એક સ્ટેપ આગળ આવીને નવા રીતે લગ્ન કર્યા છે. આણે બ્લોકચેન વેડિંગ કહેવાય છે. આપણાં દેશમાં પહેલીવાર આ લગ્ન થયા છે.
પુણે સ્થિત અનિલ નરસીપુરમ અને શ્રુતિ નાયરના લગ્ન બ્લોકચેન પર થયા. એવું કહેવામાં આવી રહ્યું છે કે આ દેશનું પહેલું કપલ છે, જેમણે પોતાના લગ્ન આ રીતે પૂર્ણ કર્યા છે. ખરેખર, 2021માં અનિલ અને શ્રુતિએ કોવિડ-19ને કારણે ઓનલાઈન લગ્નનું આયોજન કર્યું હતું. જે પંડિત દ્વારા ડીજીટલ કરવામાં આવ્યું હતું.
વરરાજાએ સોશિયલ મીડિયા પર એક પોસ્ટ કરીને આ માહિતી આપી હતી. વરરાજાએ જણાવ્યું કે તેણે તેના લગ્ન બ્લોકચેનને સત્તાવાર બનાવી દીધું છે. આ Ethereum સ્માર્ટ સંપર્કો સાથે કરવામાં આવ્યું હતું. લગ્ન માટે એક ખાસ NFT બનાવવામાં આવ્યું હતું જેમાં દુલ્હનની વીંટીનો ઉપયોગ કરવામાં આવ્યો હતો. જ્યારે કપલનો ફોટો તેમાં જડવામાં આવ્યો હતો.
કહેવામાં આવી રહ્યું છે કે કપલએ મેરેજ ફંક્શન માટે ક્રિપટોકરન્સી વૉલેટને સેટઅપ કર્યું હતું. અનિલ નરસીપુરમએ કહ્યું છે કે તેમના ડિજિટલ પંડિત અનુપ પાકીએ ઓપનસી પર NFT કરીને મને ટ્રાન્સફર કરી આપ્યા હતા. એ પછી બંને લેપટોપ લઈને લગ્નની વિધિ પૂરી કરવા માટે બેસે છે. તેમના સંબંધીઓ ગૂગલ મીટ દ્વારા લગ્નમાં સામેલ થયા હતા અને તેના સાક્ષી બન્યા હતા.
અનિલ નરસીપુરમે કહ્યું કે ટ્રાન્ઝેક્શન માત્ર 15 મિનિટના ફંક્શનમાં પૂર્ણ થયું હતું. બંનેએ તમામ વચનો વાંચ્યા અને પંડિતના આશીર્વાદ લઈને NFTs તેમની પત્નીના ડિજિટલ વોલેટમાં ટ્રાન્સફર કર્યા. આ વ્યવહાર પૂરો થતાં જ પંડિતે વર-કન્યાને પતિ-પત્ની તરીકે જાહેર કર્યા.
NFT નોન-ફંગિબલ ટોકન માટે વપરાય છે. તે એક પ્રકારની ડિજિટલ સંપત્તિ છે. તે બ્લોકચેન ટેકનોલોજી દ્વારા નિયંત્રિત થાય છે. તેની મદદથી, GIF, ફોટા, વિડિયો ક્લિપ્સ, પેઇન્ટિંગ્સ અને અન્ય મૂલ્યવાન ડિજિટલ સંપત્તિઓની માલિકી નક્કી કરવામાં આવે છે. NFT ને હરાજી તરીકે વિચારો. ધારો કે એવી કોઈ વસ્તુ છે જેની બીજી નકલ નથી. લોકો NFTs કરીને પૈસા કમાય છે. NFTs ક્રિપ્ટોકરન્સી દ્વારા કરવામાં આવે છે.