predictions of Baba Venga: વર્ષ 2023 હવે પૂર્ણ થવા આવી રહ્યું છે. આ પછી વર્ષ 2024 શરૂ થશે. વર્ષની શરૂઆત સાથે જ વિશ્વ પ્રસિદ્ધ પયગંબર બાબા વેંગાની ભવિષ્યવાણીઓ સામે આવી છે. બાબા વેંગાએ વર્ષ 2024 માટે કરેલી ભવિષ્યવાણી ખતરનાક અને ડરામણી છે.એવું કહેવાય છે કે, બાબા વેંગાએ મૃત્યુ પહેલા દુનિયા માટે ઘણી મહત્વપૂર્ણ ભવિષ્યવાણીઓ કરી હતી. જ્યાં તેમના દ્વારા કરવામાં આવેલી ઘણી આગાહીઓ સાચી સાબિત થઈ હતી.
એવું કહેવાય છે કે બાબા વેંગાએ વર્ષો પહેલા અમેરિકા પર 9/11ના હુમલા અને બ્રિટનમાં બ્રેક્ઝિટની ભવિષ્યવાણી કરી હતી અને તેમની બંને આગાહીઓ એકદમ સચોટ નીકળી હતી. હવે, બાબા વેંગાએ વર્ષ 2024 માટે તેમની ભવિષ્યવાણીમાં શું કહ્યું છે? ચાલો જાણીએ.
બાબા વાયેંગાની આગાહીઓમાં રશિયન રાષ્ટ્રપતિ વ્લાદિમીર પુતિન માટે ખરાબ સમાચાર છે. બાબા વેંગાએ આગાહી કરી છે કે વર્ષ 2024માં પુતિનની હત્યા થઈ શકે છે. પુતિનને રશિયામાં જ કોઈ પણ વ્યક્તિ મારી શકે છે. તમને જણાવી દઈએ કે રશિયા અને યુક્રેન વચ્ચે યુદ્ધ ચાલી રહ્યું છે. ક્રેમલિન પર યુક્રેનથી હુમલો કરવામાં આવ્યો છે. જ્યાં પુતિન રહે છે. યુક્રેન સાથેના યુદ્ધને કારણે, રશિયામાં પુતિન વિરુદ્ધ આંતરિક બળવો પણ ભડકી રહ્યો છે. પુતિનની સુરક્ષા વધારી દેવામાં આવી છે. આ સિવાય પુતિન વિશે એવા સમાચાર પણ ફેલાય છે કે તેઓ કેન્સરથી પીડિત છે અને તેમનું મૃત્યુ થશે. જોકે ક્રેમલિન પુતિનને કેન્સર હોવાના દાવાને સતત નકારી રહ્યું છે.
બાબા વેંગાની આગાહીઓમાં વર્ષ 2024માં ભયાનક કુદરતી આફતોનો ઉલ્લેખ છે. બાબા વેંગાએ આગાહી કરી છે કે વર્ષ 2024માં પૃથ્વી પર મોટા પાયે જળવાયુ પરિવર્તન સંકટ આવશે અને આવી સ્થિતિમાં ભયંકર કુદરતી આફતો આવશે અને ખરાબ હવામાનની ખરાબ અસરો જોવા મળશે. તેમજ વિશ્વમાં રેડિયેશનનો ભય રહેશે.
બાબા વેંગાની આગાહીઓમાં વર્ષ 2024માં યુરોપમાં આતંકવાદી હુમલાનો પણ ઉલ્લેખ છે. બાબા વેંગાએ આગાહી કરી છે કે વર્ષ 2024માં યુરોપમાં મોટા પાયે આતંકવાદી હુમલા થશે અને લોકોના જીવ જશે. સાથે જ આ દરમિયાન કોઈ મોટો દેશ પણ પરમાણુ પરીક્ષણ કરી શકે છે. વિશ્વના કેટલાક દેશોમાં યુદ્ધની પણ શક્યતા છે. જાણીતું છે કે રશિયા-યુક્રેન સિવાય હાલમાં ઇઝરાયેલ-હમાસ વચ્ચે યુદ્ધ ચાલી રહ્યું છે. જેમાં પેલેસ્ટાઈનના અનેક નાગરિકોએ જીવ ગુમાવ્યા છે.
બાબા વેંગાના જણાવ્યા અનુસાર, વર્ષ 2024માં વિશ્વમાં મોટું આર્થિક સંકટ આવશે. વિશ્વમાં આર્થિક ઉથલપાથલ રહેશે. જેના કારણે વૈશ્વિક અર્થવ્યવસ્થાને અસર થશે. બાબા વેંગાના મતે, આવું એટલા માટે થશે કારણ કે આર્થિક દળો પશ્ચિમથી પૂર્વ તરફ ખસશે. આ ઉપરાંત દેવાના સ્તરમાં વધારો અને ભૌગોલિક રાજકીય તણાવ પણ આનું કારણ હશે.
બાબા વેંગાએ મેડિકલ ક્ષેત્ર માટે સારી આગાહી કરી છે. બાબા વેંગાના જણાવ્યા અનુસાર, વર્ષ 2024માં મેડિકલ ક્ષેત્રે ઘણી મહત્વપૂર્ણ શોધ થઈ શકે છે. અલ્ઝાઈમર અને કેન્સર જેવા રોગોની દવાઓ વિકસાવી શકાય છે. બાબા વેંગાએ આગાહી કરી છે કે 2024માં કેન્સરની સારવાર શક્ય બનશે.
બાબા વેંગાનો દાવો છે કે વર્ષ 2024માં ટેકનોલોજીના ક્ષેત્રમાં નવી ક્રાંતિ આવશે. આ વર્ષે ક્વોન્ટમ કમ્પ્યુટિંગમાં મોટી શોધ થશે. આના માધ્યમથી સામાન્ય કોમ્પ્યુટર કરતા વધુ ઝડપથી સમસ્યાઓ ઉકેલી શકાય છે.
