પાકિસ્તાની ક્રિકેટ ટીમ હાલમાં ભારતમાં છે. ICC ODI વર્લ્ડ કપ ચાલી રહ્યો છે. તમામ ટીમો પોતપોતાની મેચ રમી રહી છે. પાકિસ્તાની ટીમ લગભગ 7 વર્ષના લાંબા ગાળા બાદ ક્રિકેટ રમવા ભારત આવી છે. આ દરમિયાન પાકિસ્તાની ટીમે તેની બે મેચ રમી છે અને બંનેમાં જીત મેળવી છે.
શ્રીલંકા સામેની મેચમાં શાનદાર સદી ફટકારીને પોતાની ટીમને જીત તરફ દોરી જનાર પાકિસ્તાનના વિકેટકીપર બેટ્સમેન મોહમ્મદ રિઝવાને સોશિયલ મીડિયા પર ગાઝાના આતંકવાદીઓનું ખુલ્લેઆમ સમર્થન કર્યું છે. તેણે પોતાની સદી પણ આતંકવાદીઓને સમર્પિત કરી. ત્યારથી મોહમ્મદ રિઝવાનની સોશિયલ મીડિયા પર સતત ટીકા થઈ રહી છે અને તે નિશાના પર આવી ગયો છે.
મોહમ્મદ રિઝવાન એવા સમયે શ્રીલંકા સામે રમવા મેદાનમાં ઉતર્યો જ્યારે ટીમ પર સંકટના વાદળો ઘેરાઈ રહ્યા હતા. પ્રથમ ઓપનર ઈમામ ઉલ હક સસ્તામાં આઉટ થયો હતો અને ત્યારબાદ કેપ્ટન બાબર આઝમ પણ નાના સ્કોર બાદ પેવેલિયન પરત ફર્યો હતો. આ પછી અબ્દુલ્લા શફીક અને મોહમ્મદ રિઝવાને ચાર્જ સંભાળ્યો.
This was for our brothers and sisters in Gaza. 🤲🏼
Happy to contribute in the win. Credits to the whole team and especially Abdullah Shafique and Hassan Ali for making it easier.
Extremely grateful to the people of Hyderabad for the amazing hospitality and support throughout.
— Muhammad Rizwan (@iMRizwanPak) October 11, 2023
પાકિસ્તાની ટીમે અસંભવ જણાતા ટાર્ગેટ સુધી પહોંચ્યું અને તે પણ લગભગ બે ઓવર બાકી હતી. પ્રથમ બેટિંગ કરતા શ્રીલંકાએ 9 વિકેટે 344 રન બનાવ્યા હતા. આ પછી પાકિસ્તાને 48.2 ઓવરમાં ચાર વિકેટ ગુમાવીને આ લક્ષ્યાંક હાંસલ કરી લીધો હતો. પાકિસ્તાને આ મેચ ચાર વિકેટે જીતી લીધી હતી. મોહમ્મદ રિઝવાને 121 બોલમાં 131 રનની ઇનિંગ રમી હતી. જેમાં આઠ ચોગ્ગા અને ત્રણ છગ્ગાનો સમાવેશ થાય છે.
