સોનાની બનેલી આ વિશ્વની પ્રથમ હોટલ છે, જેમાં દિવાલથી લઈને ટોઈલેટ સીટ પણ સોના ના છે

વિશ્વમાં ઘણી ઇમારતો તેમના આર્કિટેક્ચર માટે જાણીતી છે. તેમની ડિઝાઈન એવી છે કે તેમને જોઈને લોકોનું મોં ખુલ્લું રહી જાય છે. આવી ઇમારતો તેમની વિચિત્ર અને અનોખી ડિઝાઇન તેમજ આધુનિક સુવિધાઓ માટે જાણીતી છે. આવી જ એક ઈમારત વિયેતનામની રાજધાની હનોઈમાં બની છે. વાસ્તવમાં આ ઈમારત એક હોટલ (Hotel) છે અને એવું કહેવામાં આવી રહ્યું છે કે આ દુનિયાની પહેલી હોટલ છે જે સોનાની બનેલી છે.

જો કે આ હોટેલ સંપૂર્ણપણે સોનાની બનેલી નથી. પરંતુ આ હોટલની દિવાલથી લઈને ટાઈલ્સ સુધીની દરેક વસ્તુ સોનાથી મઢેલી છે. આ સિવાય અહીંના વાસણો અને ટોયલેટ સીટની દરેક વસ્તુ સોનાની બનેલી છે. એટલે કે આ આખી હોટલ સોનાની બનેલી છે. આ એક 5 સ્ટાર હોટેલ છે અને તેનું નામ હનોઈ ગોલ્ડન લેકર છે. આ હોટેલ 25 માળની બનેલી છે અને તેમાં 400 રૂમ છે. આ હોટેલની દિવાલ અને નીચેની ટાઇલ્સ ગોલ્ડ પ્લેટેડ છે. અહીં કામ કરતા સ્ટાફનો ડ્રેસ કોડ રેડ છે.

હોટલનું ભાડું 20 હજારથી 5 લાખ પ્રતિ રાત્રિ

આ હોટલમાં રહેવા માટે તેનું પ્રારંભિક ભાડું 20 હજાર રૂપિયા છે. આ હોટેલ વર્ષ 2009માં બનાવવામાં આવી હતી. આ હોટલના રૂમમાં એક રાત્રિ રોકાણ માટે ડબલ બેડરૂમ સ્યૂટનું ભાડું 75 હજાર છે જ્યારે સ્યૂટની કિંમત 4 લાખ 85 હજાર રૂપિયા છે. આ હોટેલ તમામ સુવિધાઓથી સજ્જ છે. તેમાં ગેમિંગ ક્લબ, સ્વિમિંગ પૂલ, કેસિનો અને પોકર ગેમ્સ જેવી તમામ સુવિધાઓ છે.

• ઘોઘમ ધોધમાં નાહવા ગયેલા ડેરવાણ ગામના યુવકનું ઊંડા પાણીમાં ગરકાવ થઈ જવાથી મોત
• કાલુપુર સ્વામિનારાયણ મંદિરના ગાદીપતિના પુત્ર વજેન્દ્રપ્રસાદ પાસે પત્ની અને સાસરિયા એ સમાધાન માટે 100 કરોડ માગ્યા, 11 લાખ પડાવ્યા
• રાજકોટના લોકમેળામાં ફૂડ વિભાગનો સપાટો: સડેલા બટાટા,ખરાબ ચટણી, ૭૦ કિલો ખરાબ તેલસહીત ૧૬૦ કિલો અખાદ્ય સામગ્રી પકડાઈ
• દેવાયત ખવડે 15 દિવસ પહેલા બનાવ્યો હતો મોરેમોરા નો પ્લાન, મિત્રો પાસે કાર માંગી હતી