ભરૂચના નેત્રંગ પાસે ટ્રેક્ટર પલટી ખાઈ જતા ત્રણનું કમકમાટીભર્યું મોત, 23 થી વધુને ઈજા

રાજ્ય સહિત સમગ્ર દેશમાં દરરોજ રોડ અકસ્માતમાં મોત થતા હોવાનું સામે આવતું રહે છે. લોકોની બેદરકારીને કારણે અકસ્માત ના મોત માં વધારો થઈ રહ્યો છે, હાલના સમયમાં આ રોડ અકસ્માતમાં મોટા વધારો નોંધાઈ રહ્યો છે. ત્યારે આ અકસ્માત માં બનાવમાં નાનાથી લઈને મોટા દરેક ભોગ બનતા રહે છે. ત્યારે વધુ એક અકસ્માત ભરૂચથી સામે આવ્યો છે.

ભરૂચના ઝઘડીયા તાલુકાના વડીયા તળાવ નજીક મોટી દુર્ઘટના સર્જાઈ છે. વડીયા તળાવ નજીક ટ્રેક્ટર પલ્ટી ખાઈ જતાં ત્રણ લોકોના મૃત્યુ નીપજ્યા છે. જ્યારે 23 થી વધુ લોકો ઈજાગ્રસ્ત થયા છે. અકસ્માતમાં ત્રણના મોતમાં એક મહિલા અને બે પુરુષ સામેલ છે.

ઉમલ્લા વડિયા મંદીરના દર્શન કરીને પરત આવતા સમયે આ અકસ્માત થયો હતો. ટ્રેક્ટર પલટી ખાઈ જતા સ્થાનિક લોકો બચાવ કાર્યમાં જોડાઈ ગયા હતા. અકસ્માતની જાણકારી મળતા જ આરોગ્ય કેન્દ્ર ખાતે લોકોના ટોળા ઉમટી આવ્યા હતા.

ઘટનાની જાણકારી મુજબ, ભરૂચ જિલ્લાના ઝઘડીયા તાલુકાના વડીયા તળાવ નજીક ટ્રેક્ટર પલટી જતા ત્રણ લોકોના ઘટનાસ્થળ પર કરુણ મોત નિપજ્યા હતા. જ્યારે 23 થી વધુ ઈજાગ્રસ્ત થયા હોવાનું સામે આવ્યું છે. જેમને 108 એમ્બ્યુલન્સની મદદથી સારવાર અર્થે હોસ્પિટલ લઇ જવામાં આવ્યા છે. તેમ છતાં કેટલાકને વધુ સારવાર માટે રાજપીપળાની સિવિલ હોસ્પિટલ ખાતે રિફર કરાયા છે.