Driving License : મહિલાએ 18 વર્ષ પછી મેળવ્યું ડ્રાઇવિંગ લાઇસન્સ, 959 વાર ફેલ થઇ

લગભગ 18 વર્ષની રાહ જોયા બાદ આખરે 69 વર્ષની એક મહિલાને તેનું ડ્રાઇવિંગ લાઇસન્સ (Driving License) મળી ગયું છે. ચા સા-સૂન નામની મહિલા દક્ષિણ કોરિયાના જેઓન્જુની રહેવાસી છે. તેણે 960 વખત ટેસ્ટ આપ્યો અને આ વખતે તેને સફળતા મળી. તે 959 વખત નિષ્ફળ રહી છે. તેણે ત્રણ વર્ષ સુધી અઠવાડિયામાં પાંચ દિવસ સતત ટેસ્ટ પણ આપ્યા. સા-સૂને એપ્રિલ 2005માં તેની પ્રથમ લેખિત પરીક્ષા આપી હતી.

મિરરના અહેવાલ મુજબ તેણે પછીથી અઠવાડિયામાં બે વાર લેખિત પરીક્ષા (test) આપવાનું શરૂ કર્યું. તે પાસ કર્યા બાદ પ્રેક્ટિકલ ટેસ્ટનો વારો આવ્યો.ત્યારબાદ તેણે 10 પ્રયાસો બાદ ડ્રાઈવિંગ ટેસ્ટ (Driving test) પાસ કરી. કુલ મળીને તેણે 960 વખત પરીક્ષા આપી હતી. અને હવે તેને Driving License મળી ગયું છે.

રિપોર્ટ્સ અનુસાર તેણે આ બધામાં 11,000 પાઉન્ડ (લગભગ 11 લાખ રૂપિયા) ખર્ચ્યા છે. તે તેના પરિવારનું ભરણપોષણ કરવા શાકભાજી વેચવાનું કામ કરે છે. આ વ્યવસાય માટે તેને Driving License ની જરૂર હતી, તેથી જ તેણે ક્યારેય હાર માની નહીં. તેના ડ્રાઇવિંગ ઇન્સ્ટ્રક્ટરે કહ્યું કે તે હવે રાહત અનુભવી રહ્યો છે. તેણે કહ્યું, ‘જ્યારે તેને તેનું લાઇસન્સ મળ્યું, ત્યારે અમે બધા ખૂબ ખુશ થયા. એવું લાગ્યું કે જાણે અમારા ખભા પરથી મોટો બોજ હટી ગયો. તેણીને હાર માની લેવાની અમારી હિંમત ન હતી કારણ કે તેણી સખત પ્રયાસ કરી રહી હતી.

સેંકડો પ્રયાસો પસાર કર્યા પછી સા-સૂન સેલિબ્રિટી બની ગઈ છે. તે કાર કંપની હ્યુન્ડાઈની જાહેરાતમાં પણ જોવા મળી હતી. દક્ષિણ કોરિયાની કંપની હ્યુન્ડાઈએ તેને 11,640 પાઉન્ડ (લગભગ 11.78 લાખ રૂપિયા)ની કાર પણ ભેટમાં આપી છે. કોરિયન ડ્રાયવર્સ લાયસન્સ એજન્સી અનુસાર, 50-મિનિટની લેખિત પરીક્ષા (test) માં રસ્તાના નિયમો અને Car ની જાળવણી પરના 50 બહુવિધ-પસંદગીના પ્રશ્નો હોય છે. 775મી વખત નિષ્ફળ થયા પછી, સા-સૂને ફેબ્રુઆરીમાં કહ્યું, ‘હું માનું છું કે જો તમે સતત પ્રયાસ કરશો તો તમે તમારું લક્ષ્ય હાંસલ કરી શકશો.’