રાજકોટના TRP ગેમિંગ ઝોનમાં ભીષણ આગમાં 24 લોકોના મોત, મૃતદેહોની ઓળખ કરવી પણ મુશ્કેલ

રાજકોટના કાલાવડ રોડ પર આવેલા TRP ગેમિંગ ઝોનમાં લાગેલી ભીષણ આગમાં 24 લોકો જીવતા બળી ગયા હતા. મૃત્યુઆંક હજુ વધી શકે છે. અત્યાર સુધીમાં કુલ 20 મૃતદેહો મળી આવ્યા છે. આગમાં બળી ગયેલા મૃતદેહોની ઓળખ કરવી મુશ્કેલ બની છે. આગમાં માર્યા ગયેલા લોકોની સંખ્યા શોધવા માટે બચાવ ટીમો હજુ પણ શોધ કરી રહી છે. મૃતકોમાં મોટાભાગના વિદ્યાર્થીઓ હોવાનું કહેવાય છે. આગની ઉંચી જ્વાળાઓ કેટલાય કિલોમીટર દૂર સુધી જોવા મળી હતી. આગ પર કાબૂ મેળવવા માટે ફાયર બ્રિગેડની ઘણી ગાડીઓ ઘટનાસ્થળે પહોંચી ગઈ છે.

રાજકોટ પોલીસ કમિશનર રાજુ ભાર્ગવે જણાવ્યું હતું કે TRP ગેમિંગ ઝોનમાં બપોરે આગ લાગી હતી. બચાવ કાર્ય ચાલુ છે. આગ કાબૂમાં છે. અમે શક્ય તેટલા મૃતદેહોને બહાર કાઢવાનો પ્રયાસ કરી રહ્યા છીએ. અત્યાર સુધીમાં લગભગ 20 મૃતદેહો મળી આવ્યા છે. આ ગેમિંગ ઝોન યુવરાજસિંહ સોલંકી નામની વ્યક્તિની માલિકીનો છે.

હાલ શહેરના તમામ ગેમ ઝોન બંધ કરવાના આદેશો આપવામાં આવ્યા છે. મુખ્યમંત્રી ભૂપેન્દ્રભાઈ પટેલે રાજકોટના જવાબદાર અધિકારીઓ પાસેથી ફોન પર ચર્ચા કરીને માહિતી લીધી હતી. તપાસ માટે વિશેષ સમિતિની રચના કરવામાં આવી છે. અકસ્માત બાદ ગેમ ઝોન મેનેજર ફરાર થઈ ગયો છે. ગેમ ઝોનના માલિક યુવરાજ જાડેજાની રાજકોટ પોલીસે અટકાયત કરી છે.

તપાસમાં બહાર આવ્યું છે કે આ ગેમ ઝોનના એક ભાગમાં રિનોવેશનનું કામ ચાલી રહ્યું હતું, જે દરમિયાન શોર્ટ સર્કિટના કારણે બે દિવસ પહેલા ગેમ ઝોન બંધ કરી દેવામાં આવ્યો હતો અને એક દિવસ બાદ આજે અચાનક ફરી શરૂ કરવામાં આવ્યો હતો.