જે વ્યક્તિમાં પ્રતિભા હોય છે તો તેને આગળ વધતાં કોઈ રોકી શકતું નથી. અનેક સંઘર્ષ વચ્ચે પણ તે પોતાનો રસ્તો શોધી લે છે. આજે અમે તમને લખનૌની એક એવી જ વિધ્યાર્થીની વિષે જણાવી રહ્યા છે. મુસ્લિમ વિદ્યાર્થીની ગજાલાએ લખનૌ યુનિવર્સિટીમાં બેસ્ટ સંસ્કૃત સ્ટુડન્ટ તરીકે 5 ગોલ્ડ મેડલ મેળવ્યા છે.
લખનૌના નિશાતગંજ વિસ્તારમાં એક રૂમના મકાનમાં રહેતી ગઝાલા માટે આ સફર સરળ રહી નથી. તેમના પિતા રોજીરોટી મજૂર હતા અને કેન્સરથી મૃત્યુ પામ્યા હતા. આ પછી ગઝાલાના બે ભાઈઓએ તેના અભ્યાસ માટે પોતાનો અભ્યાસ છોડી દીધો અને ગેરેજમાં કામ કરવા લાગ્યા. તેની એક બહેને પણ માટીકામની દુકાનમાં નોકરી કરી. તેની માતાએ ગઝલાની દરેક જરૂરિયાતનું ધ્યાન રાખ્યું અને તેને અભ્યાસ માટે સતત પ્રોત્સાહન આપ્યું. લખનૌ યુનિવર્સિટીની શ્રેષ્ઠ સંસ્કૃત વિદ્યાર્થીની ગઝલાને 5 ગોલ્ડ મેડલ મળ્યા બાદ સમગ્ર પરિવારના ચહેરા પર સ્મિત છે.
ગજાલાનું નામ લખનૌ યુનિવર્સિટીના એમએની બેસ્ટ સ્ટુડન્ટ માટે નવેમ્બરમાં થયેલ દીક્ષાંત સમારોહ દરમિયાન જ ઘોષિત કરી દેવામાં આવ્યું હતી. કોવિડ-19ને લીધે એ સમયે ફક્ત અમુક જ વિદ્યાર્થીઓને મેડલ આપવામાં આવ્યા હતા. હવે ફેકલ્ટી સ્તર પર એક મેડલ વિતરણ કરવાનો સમારોહ રાખ્યો હતો જેમાં ગજાલાને તેના મેડલ આપવામાં આવે છે. ગજાલા યુનિવર્સિટીના સાંસ્કૃતિક સમારોહમાં સંસ્કૃત શ્લોક સંભળાવવા માટે ફેમસ છે. એક પ્રોફેસર તરીકે ગજાલા આખી દુનિયામાં શાંતિ, એકતા અને સેકઉલરીજમનો સંદેશ આપવા માંગે છે.
જ્યારે ગઝાલા ધોરણ 10માં ભણતી હતી ત્યારે તેના પિતાનું કેન્સરથી મૃત્યુ થયું હતું. હવે તે પોસ્ટ ગ્રેજ્યુએટ છે અને હિન્દી, અંગ્રેજી, ઉર્દુ, અરબી અને સંસ્કૃત ભાષાઓ જાણે છે. ગઝાલા કહે છે કે તેણે આ મેડલ એકલા નથી જીત્યા. તેમાં તેમના ભાઈઓ શાદાબ અને નયાબનું યોગદાન છે, જેમણે નાની ઉંમરમાં જ પોતાનો અભ્યાસ છોડીને કામ કરવાનું શરૂ કર્યું હતું. જેથી તેઓ તેમના અભ્યાસનો ખર્ચ ઉઠાવી શકે. તેની બહેન યાસ્મીન પણ ઘરનો ખર્ચ ચલાવવા માટે વાસણની દુકાનમાં કામ કરે છે. જ્યારે તેની માતા નસીર બાનો તેની દરેક જરૂરિયાતનું ધ્યાન રાખે છે. ગઝલાએ કહ્યું કે આ 5 મેડલ અમારા પાંચેયના છે.
ગઝલાએ તેના શિક્ષકોનો પણ આભાર માન્યો છે. ગઝાલાને પ્રાથમિક શાળામાં સંસ્કૃતમાં રસ જાગ્યો, જ્યારે તેની શિક્ષિકા મીના મેમે તેને ધોરણ 5માં સંસ્કૃત શીખવ્યું. આ પછી આર્ય કન્યા ઈન્ટર કોલેજમાં સંસ્કૃત શિક્ષક અર્ચના દ્વેદીએ તેમને સંસ્કૃત શીખવ્યું. નગમા સુલતાન તેને કરામત હુસૈન મુસ્લિમ ગર્લ્સ પીજી કોલેજમાં સંસ્કૃત ભણાવતી હતી. પ્રયાગ નારાયણ મિશ્રાએ તેમને લખનૌ યુનિવર્સિટીમાં સંસ્કૃત ભણાવ્યું. ગઝાલા હવે વૈદિક સાહિત્યમાં પીએચડી કરવા માંગે છે.
