નિર્ભયા ગેંગરેપ કેસમાં ચારેય ગુનેગારોને ફાંસી આપવાની તૈયારીઓ શરૂ થઈ ગઈ છે. તિહાર જેલ પ્રશાસને ગુનેગારોને નોટિસ ફટકારી છે અને તેમની છેલ્લી ઈચ્છા વિશે પૂછ્યું છે. જેલ પ્રશાસને ગુનેગારોને પણ ઘણા પ્રશ્નો પૂછ્યા છે. ખરેખર, જેલના માર્ગદર્શિકા મુજબ, મૃત્યુદંડની સજા પામેલા કેદીઓને ફાંસી પહેલાં તેમની છેલ્લી ઇચ્છા વિશે પૂછવામાં આવે છે અને તેમની ઇચ્છા પૂર્ણ થાય છે.
જેલ સત્તાવાળાઓએ ગુનેગારોને પૂછ્યું, તેઓને 1 ફેબ્રુઆરીના રોજ અમલ થાય તે પહેલાં છેલ્લી મુલાકાત કોની સાથે કરવા માંગો છો ? જો કોઈ મિલકત તમારા નામે છે અને બેંકમાં બેલેન્સ છે તો તેને કોના નામે ટ્રાન્સફર કરવા માંગો છો ? અથવા કોઈને નોમિની, એટલે કે વારસદાર બનાવવા અથવા કોઈને નોમિનેટ કરવા માંગો છો? કોઈ વસિયતનામું કરવા માંગો છો ? કોઈ ધાર્મિક અથવા પસંદગીનું પુસ્તક વાંચવા માંગો છો?
સાથે જ વિગતો મળી રહી છે કે ચારેય આરોપીઓને ફાંસીનો ડર લાગી રહ્યો છે. જેના લીધે તેમની ભૂખ મરી રહી છે. અમુકે ખાવાનું છોડી દીધું છે તો અમુકે ઓછું કરી દીધું છે.જેલ અધિકારીઓના વારંવાર કહેવા બાદ આરોપી કહેવાનું ખાઈ રહ્યાં છે.ચારેય આરોપીઓને 1 ફેબ્રુઆરીએ વહેલી સવારે ફાંસી આપવાની છે. જો આરોપીમાંથી એક પણ આરોપીએ દયા અરજી કરી તો ફરી વખત ફાંસીની તારીખ લંબાઈ શકે તેમ છે. જાણકારોના કહેવા મુજબ ફાંસી માટે નવી તારીખ આવામાં આવશે.
તિહારમાં ફાંસીનો માચડો જેલ નંબર 3માં છે. ફાંસીની બેરેકની બાજુમાં 16 હાઈ રિસ્ક સેલ આવેલી છે.લગભગ 50 સ્ક્વેયર મીટર જગ્યામાં ફાંસીમાં બેરેક છે. જેલના અધિકારીઓના જણાવ્યા મુજબ દોષિતોને ફાંસી પર લટકાવવા માટે મેરઠથી જલ્લાદ પવનને બોલાવવામાં આવશે.
