વિશ્વમાં 6000 થી વધુ લોકોનો ભોગ લેનાર કોરોના વાયરસ અટકવાનું નામ નથી લઈ રહ્યો. દેશમાં કોરોના ના કેસ દરરોજ વધી રહ્યા છે. 24 કલાકમાં, કોરોના 12 નવા દર્દીઓની પુષ્ટિ થઈ છે. મહારાષ્ટ્રની ત્રણ વર્ષની બાળકી સહિત દેશભરમાં અત્યાર સુધીમાં 128 કેસ નોંધાયા છે. મહારાષ્ટ્ર કોરોનાથી સૌથી વધુ અસરગ્રસ્ત છે.મુંબઇ, નવી મુંબઈમાં કોરોના વાયરસના 5 નવા કેસો સાથે, મહારાષ્ટ્રમાં કોરોના ના કેસ નો આંકડો 39 પર પહોંચી ગયો છે. મુંબઈ પોલીસે કલમ 144 લાગુ કરી છે. ત્યારે હવે મુંબઇની કસ્તુરબા છાત્રાલયમાં એક 64 વર્ષિય વૃદ્ધ વ્યક્તિએ જીવ ગુમાવ્યો છે. આ પહેલા દેશમાં બે લોકોનાં મોત નીપજ્યાં છે.
કોરોના વાયરસને કારણે, મહારાષ્ટ્ર અને ગોવા બોર્ડર પર ચેક પોસ્ટ મૂકવામાં આવી છે. આ ચેકપોસ્ટ બેલાગવીમાં મુકવામાં આવી છે. બંને તરફથી આવતા લોકોની સ્ક્રીનીંગ કરવામાં આવી રહી છે.દિલ્હીને અડીને આવેલા નોઈડામાં કોરોના વાયરસના બે કેસ નોંધાયા છે. નોઈડાના સેક્ટર 100 માં કોરોના વાયરસથી એક મહિલા અને એક પુરુષ હકારાત્મક મળી આવ્યા છે. બંનેને તેમના પરિવાર સાથે કરેન્ટાઇન કરવામાં આવ્યા છે.
ભારત સરકારે હોસ્પિટલમાંથી કોરોના વાયરસના દર્દીઓને ડિસ્ચાર્જ કરવા માટે નવા નિયમ જાહેર કર્યા છે. આ અંતર્ગત નમૂના પરીક્ષણો 24 કલાકમાં બે વાર કરવામાં આવે છે અને નેગેટિવ આવે ત્યારે રજા આપવામાં આવે છે.કારણ કે જો દર્દી સંપૂર્ણ સ્વસ્થ ન થાય તો વાયરસ ફેલાવાની સંભાવના છે.
બિહારમાં કોરોના વાયરસને કારણે વિધાનસભા સત્ર અનિશ્ચિત સમય માટે સ્થગિત કરવામાં આવ્યું છે. છત્તીસગઢ વિધાનસભા સત્ર 25 માર્ચ સુધી મુલતવી રાખવામાં આવ્યું છે. કોરોના વાયરસને ધ્યાનમાં રાખીને આસામના તમામ અભયારણ્ય, રાષ્ટ્રીય ઉદ્યાનોને 17 થી 29 માર્ચ સુધી બંધ રાખવાનો નિર્ણય લેવામાં આવ્યો છે. આઈઆઈટી રૂરકીએ આઠ ભારતીય અને એક વિદેશી વિદ્યાર્થીને 14 દિવસ માટે કોરોના વાયરસની શંકા ને આધારે આઇસોલેશનમાં રાખ્યા છે.
