દુનિયાનો તાકાતવર દેશ કોરોના થી ડર્યો, એક જ દિવસમાં આટલા લોકોના મોત થયા

વિશ્વનો સૌથી શક્તિશાળી દેશ પણ કોરોના વાયરસ સામે નમતો જોવા મળે છે. ગુરુવાર 19 માર્ચ યુ.એસ. માં કોરોના વાયરસના કુલ 10,491 કેસ જોવા મળ્યા છે જે અગાઉ 3404 જ હતા. આ સાથે એક જ દિવસમાં મૃત્યુ પામનાર લોકોની સંખ્યા ત્રણ ગણી થઇ ગઈ છે. અમેરિકામાં પહેલા મૃત્યુઆંક 53 હતો જે 19 માર્ચે વધીને 150 થઈ ગયો.

યુ.એસ. સેન્ટર ફોર ડિસીઝ કંટ્રોલ એન્ડ પ્રિવેન્શન (સીડીસી) એ કહ્યું કે આરોગ્ય વિભાગ એ સમજવાનો પ્રયાસ કરી રહ્યું છે કે અચાનક મૃત્યુ અને ચેપગ્રસ્ત લોકોની સંખ્યામાં આટલો વધારો કેવી રીતે થયો છે.અગાઉ યુએસ પ્રમુખ ડોનાલ્ડ ટ્રમ્પે પણ આરોગ્ય કર્મચારીઓને અપીલ કરી હતી કે નિષ્ણાતોની જેમ કોરોના દર્દીઓની સારવાર કરવામાં આવે. જેથી આપણને એટલો સમય મળે કે આપણે રસી બનાવી શકીએ, જે હજી પ્રયોગશાળાઓમાં છે.

યુ.એસ. ના 50 રાજ્યોમાં સી.ડી.સી. સેન્ટર છે.અહીં તેમને દર્દીઓનો ડેટા મળી રહ્યો છે. સીડીસીએ હાલમાં જે દર્દીઓની સારવાર કરવામાં આવી રહી છે તેના વિશે પણ જણાવ્યું હતું.

10,491 દર્દીઓમાંથી 9,842 દર્દીઓ સારવાર લઈ રહ્યા છે. 310 લોકોની હાલત ગંભીર છે. જો કે 290 થી વધુ કિસ્સાઓ એવા લોકોના છે કે જે મુલાકાત દ્વારા માંદા થઈ ગયા છે. આ તમામ કોરોના ચેપગ્રસ્ત લોકો સીડીસીની નજરમાં છે.યુ.એસ.એ 19 માર્ચ 2020 ના રોજ કોરોના વાયરસની સારવાર માટે મેલેરિયા ની દવાને મંજૂરી આપી છે. ખરેખર ચીનના વુહાનથી ફેલાયેલા કોરોના વાયરસથી દુનિયામાં ભયનો માહોલ સર્જાયો છે. વિશ્વના ઘણા દેશો કોરોના વાયરસનો ભોગ બન્યા છે.