રાજસ્થાનના ઉદયપુરમાં એક યુવકની નસબંધીનો એક અજીબ કિસ્સો સામે આવ્યો છે. આ યુવકે આરોપ લગાવ્યો છે કે તેને કોરોનાની રસી મુકવાની છે એવું કહીને તેને બોલાવવામાં આવ્યો હતો પણ પછી તેને કોઈપણ જાણ કર્યા વગર તેની નસબંધી કરી દેવામાં આવે છે. આ બાબતમાં આ યુવકે ભૂપાલપુરા પોલીસ સ્ટેશનમાં ફરિયાદ નોંધાવી છે. સમાચાર પ્રમાણે આ યુવક પરણિત છે પણ તેને કોઈ સંતાન નથી. આ યુવકે આરોપ લગાવ્યો છે કે તેને હોસ્પિટલમાં ઇન્જેક્શન લગાવવામાં આવ્યું હતું. એ પછી તેને કશું જ યાદ નથી. જયારે તે ભાનમાં આવે છે તો તેને ખબર પડે છે કે તેની નસબંધી કરવામાં આવી છે.
આ મામલો ઉદયપુર શહેરના ભૂપાલપુરા પોલીસ સ્ટેશન વિસ્તારનો છે. પીડિત યુવકનું નામ કૈલાશ ગામેતી જણાવવામાં આવી રહ્યું છે. ભૂપાલપુરા પોલીસ સ્ટેશનમાં આપેલા પોતાના રિપોર્ટમાં કૈલાશે જણાવ્યું કે 29 ડિસેમ્બરની સવારે તે બેકની પુલ પાસે મજૂરી માટે ઊભો હતો. તે જ સમયે નરેશ રાવત નામનો યુવક તેની પાસે આવ્યો. તેણે તેણીને 2000 રૂપિયાની લાલચ આપીને કોરોનાની રસી અપાવવાનું કહ્યું હતું.
બે હજાર રૂપિયાની લાલચે તે તેની સાથે ચાલ્યો જાય છે. કૈલાસનો આરોપ છે કે નરેશ તેને સ્કૂટી પર પુલની બીજી બાજુ એક હોસ્પિટલમાં લઇ જાય છે અને ત્યાં તેને ઇન્જેક્શન લગાવીને બેહોશ કરવામાં આવ્યો હતો. પછી બેભાન હોય છે ત્યારે જ તેનું નસબંધીનું ઓપરેશન કરવામાં આવે છે. એ પછી જયારે તેને હોશ આવે છે ત્યારે નરેશ કૈલાસને તેની બહેનના ઘરે મૂકી આવે છે અને તેને ફક્ત 1100 રૂપિયા જ આપે છે.
આ અજાણી રીતે નસબંધીનું ઓપરેશન થયા બાદ યુવક અને તેના પરિવારના સભ્યો બંને ખૂબ જ પરેશાન છે. પ્રાથમિક તપાસમાં પોલીસને જાણવા મળ્યું છે કે પીડિત કૈલાશ તેના પરિવારમાં એકમાત્ર પુત્ર છે. તેને કોઈ સંતાન પણ નથી. આ કારણે તેની માતા પણ ઘણી પરેશાન છે. બીજી તરફ ભૂપાલપુરા પોલીસ સ્ટેશને પણ કૈલાશ ગામેતીના રિપોર્ટ પર SC-ST એક્ટ હેઠળ કેસ નોંધ્યો છે. પોલીસ હવે આ મામલાની તપાસમાં લાગી ગઈ છે.
પોતાને પીડિત ગણાવનાર કૈલાશના આરોપોમાં કેટલી સત્યતા છે તે તો તપાસ બાદ જ ખબર પડશે. પરંતુ નસબંધીના આંકડા પૂરા કરવા માટે આવા કિસ્સા ભૂતકાળમાં અનેક વખત સામે આવ્યા છે. તે જ સમયે, નસબંધીની શિબિરોમાં ગેરરીતિઓની ઘણી ફરિયાદો આવી છે. હવે પોલીસ આ મામલાની ઉંડાણપૂર્વક તપાસ કરી રહી છે.
