કોરિયન અભિનેત્રી પાર્ક સૂરૂયુનનું તાજેતરમાં જ 29 વર્ષની ઉંમરે સીડી પરથી પડીને મૃત્યુ થયું હતું. Kdramas અભિનેત્રી પાર્ક સૂરૂયન, જે લોકપ્રિય કોરિયન શો સ્નોડ્રોપમાં જોવા મળી હતી. જણાવી દઈએ કે તેમનું નિધન 11 જૂને 29 વર્ષની વયે થયું હતું. અહેવાલો અનુસાર, અભિનેત્રી ઘરે પરત ફરતી વખતે સીડી પરથી નીચે પડી હતી.
ડોક્ટરોએ તેને બચાવવાનો પ્રયાસ કર્યો, પરંતુ તે બ્રેઈન ડેડ થઈ ગઈ હતી. તેના આકસ્મિક મૃત્યુથી તેમનો પરિવાર શોકમાં છે. ચાહકો પણ ખૂબ દુઃખી છે. પરિવારે હોસ્પિટલને તેના અંગોનું દાન કરવાનો નિર્ણય લીધો છે.પાર્ક સૂરૂયુનની માતાએ કોરિયન મીડિયાને જણાવ્યું હતું કે તેની પુત્રીનું મગજ કામ કરતું ન હતું પરંતુ તેનું હૃદય કામ કરી રહ્યું છે. તેની માતાએ કહ્યું કે પરિવારે તેના અંગોનું દાન કરવાનું નક્કી કર્યું કારણ કે તેમને લાગ્યું કે તે હજુ પણ આસપાસ છે અને લાંબા આયુષ્યને પાત્ર હોય તેવા વ્યક્તિને બચાવવા માગે છે.
પાર્ક સૂરૂયુન નો જન્મ 1994માં થયો હતો અને તે Kpop અને Kdramasની દુનિયામાં લોકપ્રિય હતી. તેણે મ્યુઝિકલ ઇલ ટેનર દ્વારા સંગીતની શરૂઆત કરી. તે પછી તે ધ ડેઝ વી લવ્ડ, ફાઈન્ડિંગ મિસ્ટર ડેસ્ટિની અને સિદ્ધાર્થમાં દર્શાવવામાં આવી હતી. તે જેટીબીસીના ઐતિહાસિક નાટક સ્નોડ્રોપમાં બ્લેકપિંકના જીસૂ અને જંગ હે ઇન સાથે પણ જોવા મળી હતી. પાર્ક સૂરૂન અકસ્માતના એક દિવસ પછી જ જેજુમાં પર્ફોર્મન્સ આપવાનું હતું, પરંતુ એક દિવસ પહેલા જ તેનું મૃત્યુ થયું હતું.
