65 વર્ષના વેપારીએ 16 વર્ષની છોકરી સાથે લગ્ન કર્યા, પહેલી પાંચ પત્નીથી છે 16 બાળકો

દુનિયાભરમાંથી આવા ઘણા કિસ્સાઓ સામે આવે છે, જ્યારે પરિણીત લોકોની ઉંમરમાં મોટો તફાવત હોય છે. પરંતુ જો ત્યાં 65 વર્ષનો વર અને 16 વર્ષની કન્યા હોય, તો તે ચોંકાવનારો તફાવત હશે. પરંતુ આવો જ એક કિસ્સો બ્રાઝિલમાંથી સામે આવ્યો છે. અહીં એક 65 વર્ષના બિઝનેસમેન (businessman) ને 16 વર્ષની છોકરી સાથે પ્રેમ થઈ ગયો. આ પછી વેપારીએ તે છોકરી સાથે લગ્ન કરવાના તમામ અવરોધો દૂર કર્યા.

મીડિયા રિપોર્ટ્સ અનુસાર બ્રાઝિલના આ બિઝનેસમેનનું નામ હિસામ હુસૈન દેહાની છે અને તે બ્રાઝિલના એક શહેરનો મેયર પણ છે. તેણે 16 વર્ષની સ્કૂલ જતી છોકરી સાથે લગ્ન કર્યા છે. આ છોકરી ચાઈલ્ડ બ્યુટી ક્વીન પણ છે અને તાજેતરમાં જ તેણે આ ટાઈટલ જીત્યું છે. બિઝનેસમેનનું દિલ એ જ છોકરી પર આવી ગયું છે. જોકે લોકો આ લગ્નને લઈને ખૂબ જ નારાજ છે. આશ્ચર્યની વાત એ છે કે આ પહેલા પણ બિઝનેસમેનના ઘણા લગ્ન થઈ ચૂક્યા છે.

તાજેતરમાં જ તેણે 15મી એપ્રિલે લગ્ન કર્યા હતા. આ છોકરીનું નામ કૌએન રોડે કામર્ગો છે. અગાઉ, ઉદ્યોગપતિએ પાંચ વખત લગ્ન કર્યા છે અને તે 16 બાળકોનો પિતા છે. તેમના પ્રથમ લગ્ન 1980માં થયા હતા. વર્ષ 2000માં એક વખત ડ્રગ્સની દાણચોરીના કેસમાં તેની ધરપકડ પણ કરવામાં આવી હતી. એવો દાવો કરવામાં આવે છે કે તે 14 મિલિયન બ્રાઝિલિયન રિયલ્સની સંપત્તિનો માલિક છે. તેમના લગ્ન સમયે તેઓ પરના રાજ્યમાં અરાકુરિયાના મેયર તરીકે તેમની બીજી ટર્મમાં હતા.

આ પણ વાંચો: ધારીના આ ખેડૂતે એક જ આંબા પર 14 જાતની કેરીઓ ઉગાડી

આ લગ્નના વિરોધને કારણે તેણે પોતાની પાર્ટીમાંથી રાજીનામું પણ આપી દીધું છે. આટલું જ નહીં લગ્ન પહેલા તેણે 16 વર્ષની દુલ્હનના કેટલાક સંબંધીઓને પોતાના બિઝનેસમાં નોકરી પણ આપી છે. હાલ સોશિયલ મીડિયા પર આ નવા કપલની ઘણી તસવીરો જોરદાર વાયરલ થઈ રહી છે.

આ પણ વાંચો: ચુડવાની ગોઝારી નદીમાં 12 ખેતમજુરો ભરેલી રીક્ષા ખાબકતા ત્રણના મોત