ગુજરાતી ફિલ્મ જગતના જાણીતા અને લોક પ્રિય અભિનેતા મલ્હાર ઠાકર (Malhar Thakar) પર દુઃખનું પહાડ તૂટી પડ્યું છે. તેમના અંગત મિત્રનું અકસ્માત મોત નીપજ્યું છે. આ બાબતમાં મલ્હાર ઠાકરે પોતાના ઈન્સ્ટાગ્રામ વિડીયો પોસ્ટ કરી પોતાનું દુઃખ વ્યક્ત કર્યું છે. મલ્હાર ઠાકર દ્વારા શેર કરવામાં આવેલ વિડીયોમાં તેમને જણાવ્યું છે કે, તેમનો અંગત મિત્ર અને તેમની ડીરેક્શન ટીમનો કિંગ જપન ઠાકર આ દુનિયામાં હવે રહ્યો નથી.
પ્રાપ્ત માહિતી મુજબ, અમદાવાદના એસજી હાઇવે પર સોલા ઓવર બ્રિજ સત્યમેવ કોમ્પ્લેક્સની સામે એક કારચાલક દ્વારા એક્ટિવા ચાલકને જોરદાર ટક્કર મારવામાં આવતા યુવક રસ્તા પર પટકાયો હતો. તેના લીધે તેનું ઘટનાસ્થળ પર જ મોત નીપજ્યું હતું. આ દર્દનાક અકસ્માતમાં મલ્હાર ઠાકરના અંગત મિત્ર જપન ઠાકરનું મૃત્યુ નીપજ્યું હતું.
તમને જણાવી દઈએ કે, પૂરપાટ ઝડપથી કાર ચલાવી કાર ચાલક દ્વારા એક્ટિવાને પાછળના ભાગમાં મોતની ટક્કર મારવામાં આવી હતી. તેના લીધે એક્ટિવા ચાલક નીચે રસ્તા પર પટકાયો હતો. ત્યાર બાદ કારચાલક પોતાની કાર રોકી રોકાઈ ગયો હતો અને પોલીસને જાણ કરવામાં આવતા એસજી 1 ટ્રાફિક પોલીસ તાત્કાલિક ઘટનાસ્થળ પર દોડી આવી હતી. મૃતક જપન ઠાકરના પરિવારજનોને જાણ કરવામાં આવતા તેઓ પણ ઘટનાસ્થળ પર દોડી આવ્યા હતા. પોલીસ દ્વારા આ બાબતમાં ગુનો દાખલ કરી કારચાલકની ધરપકડ કરીને વધુ તપાસ હાથ ધરી છે.
View this post on Instagram
આ સમગ્ર ઘટનાને લઈને મલ્હાર ઠાકરે ઈન્સ્ટાગ્રામ પર વિડીયો બનાવી કટાક્ષ ભર્યા શબ્દો જણાવતા કહ્યું છે કે, લોકો પુરપાટ ઝડપે વાહન ચલાવતા જોવા મળે છે અને આ રીતે કોઈના જીવનનો અંત લાવતા હોય છે. આ રીતે તેમને પુરપાટ ઝડપે ચલાવતા લોકો હૈયાવરાળ ઠાલવી હતી.
