સુરેન્દ્રનગરનાં મજેઠી-રાજપરા હાઈવે પર દૂધના ટેન્કર અને બાઈક વચ્ચે સર્જાયો ભયંકર અકસ્માત, દાદા-પૌત્ર અને સાળાના કરુણ મોત

રાજ્ય સહિત સમગ્ર દેશમાં દરરોજ રોડ અકસ્માતમાં મોત થતા હોવાનું સામે આવતું રહે છે. લોકોની બેદરકારીને કારણે અકસ્માતના મોત માં વધારો થઈ રહ્યો છે, હાલના સમયમાં આ રોડ અકસ્માતમાં મોટો વધારો નોંધાઈ રહ્યો છે. ત્યારે આ અકસ્માત માં બનાવમાં નાનાથી લઈને મોટા દરેક ભોગ બનતા રહે છે. ત્યારે વધુ એક સુરેન્દ્રનગરથી સામે આવ્યો છે.

પ્રાપ્ત માહિતી મુજબ, સુરેન્દ્રનગરનાં મજેઠી-રાજપરા હાઈવે પર દૂધના ટેન્કર અને બાઈક વચ્ચે ભયંકર અકસ્માત સર્જાયો છે. આ અકસ્માતમાં દાદા-પૌત્ર તેમજ સાળા સહિત ત્રણ લોકોનાં ઘટનાં સ્થળ પર જ કરુણ મોત નીપજ્યા છે. જેમાં સાળો બનેવી ભડેણાથી કમાલપુર બેંકમાં સ્કોલરશીપ ઉપાડવા માટે જઈ રહ્યા હતા તે સમયે આ ભયંકર અકસ્માત સર્જાયો હતો.

તમને જણાવી દઈએ કે, બાઈક પર જતા એક જ પરિવારનાં ત્રણ વ્યક્તિઓનાં મોત થતા પરિવારજનોમાં શોકનું મોંજુ ફરી વળ્યું છે. હાઈવે પર અકસ્માત સર્જાતા લોકોનાં ટોળે ટોળા અકસ્માત સ્થળે ઉમટી આવ્યા હતા. પોલીસને અકસ્માતની જાણકારી મળતા પોલીસનો કાફલો ઘટનાસ્થળ પર પહોંચી આવ્યો હતો. પોલીસની ટીમ દ્વારા મૃતદેહને પીએમ અર્થે ખસેડવામાં આવ્યા હતા, જ્યારે હાઈવે પરથી ટ્રાફિક ક્લીયર કરવાની તજવીજ હાથ ધરવામાં આવી હતી.