રાજ્યમાં છેલ્લા ઘણા સમયથી ખાદ્ય પદાર્થો માંથી અનેક જીવજંતુઓ નીકળવાની ઘટનાઓમાં સતત વધારો થઈ રહ્યો છે. કેમ કે અવારનવાર તેને લઈને ઘટનાઓ સામે આવી રહી છે. જ્યારે આજે આવી જ એક અમદાવાદથી સામે આવી છે. અમદાવાદમાં આવેલી હયાત હોટલ ની વાનગીમાંથી વંદો નીકળ્યો હોવાનું સામે આવ્યું છે.
જાણકારી મુજબ, આ મામલો સામે આવ્યા બાદ અમદાવાદ ની નામચીન હયાત હોટલ નું કિચન સીલ કરી દેવાયું છે. વસ્ત્રાપુર હયાત હોટલની વાનગીમાંથી વંદો નીકળ્યો હતો. હોટલમાં પ્રસંગ ચાલી રહ્યો હતો તે સમયે સાંભારમાંથી વંદો નીકળ્યો હોવાની ઘટના સામે આવી હતી. ઘટનાની જાણકારી ફૂડ વિભાગ ને કરવામાં આવતા AMC દ્વારા હયાત હોટલ ના કિચન ને સીલ કરી દેવામાં આવ્યું હતું.
ઘટનાને લઈને જણાવી દઈએ કે, અમદાવાદના વસ્ત્રાપુર વિસ્તારમાં આવેલી ફાઇવ સ્ટાર હયાત હોટેલની વાનગીમાંથી વંદો નીકળ્યો હોવાનું સામે આવ્યું છે. પ્રસંગ દરમિયાન સાંભારમાંથી વંદો નીકળતા ત્યાં રહેલા લોકો આશ્ચર્યચકિત થઈ ગયા હતા. હોટેલમાં પ્રસંગ દરમિયાન સાંભારમાંથી વંદો નીકળ્યો હોવાનું સામે આવ્યું છે. AMC દ્વારા આ બાબતમાં તાત્કાલિક કાર્યવાહી કરતા હયાત હોટેલના કિચનને સીલ કરી દેવામાં આવ્યું છે.
