India

કોરોના નો કહેર ફરીવાર? અહિ માસ્ક પહેરવું ફરજીયાત, સરકારે નિયમ લાગુ કર્યો

ચીનમાં કોરોના વાયરસ બેકાબૂ બની ગયો છે. અસંખ્ય લોકો ત્યાં પોઝિટિવ આવી રહ્યા છે. ત્યાંની સ્થિતિ જોઈને ભારતમાં પણ લોકોના હૃદયના ધબકારા વધી ગયા છે. દેશને એલર્ટ કરી દેવામાં આવ્યો છે. કેન્દ્રથી લઈને રાજ્યો સુધી દરેક જગ્યાએ કોરોનાને લઈને ઉચ્ચ સ્તરીય બેઠકો થઈ રહી છે. જ્યારે પીએમ નરેન્દ્ર મોદીએ ગુરુવારે સમીક્ષા બેઠક યોજી હતી. ત્યારે દિલ્હી, યુપી, પંજાબ, મહારાષ્ટ્ર, ઉત્તરાખંડ, કેરળ, કર્ણાટક, ઓડિશામાં પણ બેઠકો યોજાઈ હતી.

રાજ્યોમાં કોરોના કેસોની જીનોમ સિક્વન્સિંગ ઝડપી કરવામાં આવી છે. લોકોને કોવિડ પ્રોટોકોલનું પાલન કરવાની અપીલ કરવામાં આવી રહી છે. ક્યાંક માસ્ક ફરજિયાત કરવામાં આવ્યું છે તો ક્યાંક ટેસ્ટિંગ વધારવામાં આવ્યું છે. શું તમે જાણો છો કે કયા રાજ્યમાં શું તૈયારી છે?

સીએમ અરવિંદ કેજરીવાલે કહ્યું કે દિલ્હીમાં ડરવાની કોઈ વાત નથી. જો કોરોના ફેલાય છે તો અમે તેના માટે તૈયાર છીએ. અત્યાર સુધી દિલ્હીમાં BF.7 વેરિઅન્ટનો કોઈ કેસ નોંધાયો નથી. તેમણે કહ્યું કે તમામ કેસોની જીનોમ સિક્વન્સિંગ કરવામાં આવી રહી છે.

કેજરીવાલે કહ્યું કે દિલ્હીમાં દરરોજ 2500 કોરોના ટેસ્ટ કરવામાં આવી રહ્યા છે. જો જરૂરિયાત ઊભી થાય, તો અમારી પાસે દરરોજ એક લાખ પરીક્ષણો કરવાની ક્ષમતા છે. આઠ હજાર કોવિડ બેડ આરક્ષિત છે, જ્યારે 36 હજાર કોવિડ બેડ અનામત રાખવાની તૈયારીઓ ચાલી રહી છે.તેમણે જણાવ્યું કે 928 એમટી ઓક્સિજનનો સંગ્રહ કરવામાં આવ્યો છે. આ વખતે 6000 સિલિન્ડર તૈયાર છે. આ વખતે અમારી પાસે 380 એમ્બ્યુલન્સ તૈયાર છે. અમે કેન્દ્ર સરકારની માર્ગદર્શિકાની રાહ જોઈ રહ્યા છીએ.

કર્ણાટકએ તમામ બંધ જગ્યાઓ અને ઇનડોરજગ્યાઓ પર માસ્ક ફરજિયાત પહેરવાનો નિયમ લાગુ કર્યો છે. કર્ણાટકના આરોગ્ય મંત્રી કે. સુધાકરે માહિતી આપી હતી કે સરકાર રાજ્યમાં ઈન્ફલ્યુએન્ઝા જેવી બીમારી (ILI) અને ગંભીર તીવ્ર શ્વસન ચેપ (SARI) ધરાવતા તમામ દર્દીઓ માટે કોવિડ ટેસ્ટ કરાવશે.

કોવિડ માટે દરરોજ બે થી ચાર હજાર દર્દીઓની તપાસ કરવાનો લક્ષ્યાંક રાખવામાં આવ્યો છે. તેમણે કહ્યું કે હાલમાં કોવિડ દર્દીઓની સામૂહિક તપાસની કોઈ યોજના નથી કારણ કે પરિસ્થિતિ નિયંત્રણમાં છે.

સીએમ યોગી આદિત્યનાથે કોરોનાને લઈને સમીક્ષા બેઠક યોજી હતી. તેમણે ભીડવાળા સાર્વજનિક સ્થળોએ ફેસ માસ્ક માટે જાગૃતિ લાવવાનો નિર્દેશ આપ્યો છે. આ ઉપરાંત, નવા પ્રકારો પર નજર રાખવા અને દરેક પોઝિટિવ કેસની જીનોમ સિક્વન્સિંગ કરાવવા માટે પણ કહેવામાં આવ્યું છે. તેમણે રસીનો ડોઝ વધારવા માટે સૂચના આપી છે.

તેમણે કહ્યું કે હાલમાં યુપીમાં સ્થિતિ સામાન્ય છે. છેલ્લા 24 કલાકમાં એક પણ નવો દર્દી મળ્યો નથી. તેમણે લોકોને અપીલ કરી કે ગભરાવાની જરૂર નથી. સીએમ યોગીએ કહ્યું કે માત્ર તકેદારી-સાવધાનીની જરૂર છે. તે જ સમયે તાજમહેલ જોવા આવતા પ્રવાસીઓનો કોવિડ ટેસ્ટ શરૂ થઈ ગયો છે.

મુકેશ અંબાણીની નાની વહુ, લક્ઝરી વસ્તુઓની શોખીન, છે આટલી સંપત્તિ નામચીન યુટ્યુબર Elvish Yadav ફરાર: નોઇડામાં રેવ પાર્ટીઓ કરાવતો ડેરી ફાર્મમાં લાગી આગ, 18,000 ગાયોના કરૂણ મોત આ અધિકારી 10માં ધોરણમાં નાપાસ થયા હતા, UPSC પાસ કરી હાલમાં ગુજરાતમાં એડિશનલ કમિશનર છે