દેશની સૌથી મોટી સરકારી વીમા કંપની લાઈફ ઈન્સ્યોરન્સ કોર્પોરેશન ઓફ ઈન્ડિયા (LIC)ની જીવન આઝાદ પોલિસી (Jeevan Azad policy) ને સારો પ્રતિસાદ મળ્યો છે. LIC એ લોન્ચ થયાના 10-15 દિવસમાં 50,000 જીવન આઝાદ પોલિસી વેચી છે. એલઆઈસીના ચેરમેન એમઆર કુમારે વર્ચ્યુઅલ પ્રેસ મીટ દરમિયાન આ અંગેની માહિતી આપી હતી. જીવન આઝાદ પોલિસી એ બિન-ભાગીદારી વીમા યોજના છે. એલઆઈસીએ તેને જાન્યુઆરી 2023માં લોન્ચ કર્યું હતું. LIC તમામ ઉંમરના લોકો માટે સ્કીમ ચલાવે છે. દેશના લાખો લોકોએ LICની તમામ યોજનાઓમાં રોકાણ કર્યું છે.
જીવન આઝાદ યોજનામાં પ્રીમિયમ ભરવાની મુદત માઈનસ 8 વર્ષ છે. ઉદાહરણ તરીકે, જો કોઈ રોકાણકાર 18 વર્ષની પોલિસી મુદત માટે પસંદ કરે છે, તો વ્યક્તિએ માત્ર 10 વર્ષ (18-8) માટે જ પ્રીમિયમ ચૂકવવું પડશે. પૉલિસી પાકતી મુદત પર એકસાથે રકમ ચૂકવવાની ખાતરી આપે છે. આ પોલિસીમાં લઘુત્તમ વીમાની રકમ 2 લાખ રૂપિયા છે અને મહત્તમ વીમાની રકમ 5 લાખ રૂપિયા છે. આ પોલિસી 15 થી 20 વર્ષ માટે લઈ શકાય છે.
ધારો કે 30 વર્ષનો વ્યક્તિ 18 વર્ષ માટે જીવન આઝાદ યોજના લે છે. 2 લાખની વીમા રકમ માટે તે 10 વર્ષ માટે 12,038 રૂપિયા જમા કરે છે. પોલિસીધારકના મૃત્યુના કિસ્સામાં, ‘મૂળભૂત વીમાની રકમ’ અથવા પોલિસી લેતી વખતે પસંદ કરાયેલ વાર્ષિક પ્રીમિયમના 7 ગણા નોમિનીને ચૂકવવામાં આવશે. જો કે, આ માટે શરત એ છે કે મૃત્યુની તારીખ સુધી ચૂકવવામાં આવેલ કુલ પ્રીમિયમ 105 ટકાથી ઓછું ન હોવું જોઈએ.
90 દિવસથી 50 વર્ષની વય જૂથની વ્યક્તિ આ યોજનામાં રોકાણ કરી શકે છે. એલઆઈસીની આ યોજના લેનાર પોલિસીધારક વાર્ષિક, અર્ધવાર્ષિક, ત્રિમાસિક અને માસિક ધોરણે પ્રીમિયમ ચૂકવી શકે છે. પૉલિસી ધારકોને પાકતી મુદત પૂરી થવા પર ખાતરીપૂર્વકનું વળતર મળે છે.
એમ.આર. કુમારે જણાવ્યું હતું કે, એલઆઈસી બિન-ભાગીદારી વીમા જેવી ગેરંટીવાળી યોજનાઓ પર ધ્યાન કેન્દ્રિત કરી રહી છે. કારણ કે તેઓ પોલિસીધારકોને ઉચ્ચ માર્જિન પ્રદાન કરે છે. પ્રેસ મીટ દરમિયાન, તેમણે જણાવ્યું કે 31 ડિસેમ્બર 2022 ના રોજ પૂરા થતા ક્વાર્ટરમાં LICનો ચોખ્ખો નફો વધ્યો છે. એલઆઈસીએ ડિસેમ્બર ક્વાર્ટરમાં નફામાં રૂ. 6,334 કરોડનો જંગી વધારો નોંધાવ્યો છે. જ્યારે એક વર્ષ અગાઉના સમયગાળામાં તે રૂ. 235 કરોડ હતો. LIC ની ચોખ્ખી પ્રીમિયમ આવક પણ Q3FY23 માં વધીને રૂ. 1.1 લાખ કરોડ થઈ હતી જે Q3FY22 માં રૂ. 97,620 કરોડ હતી.
