ટીમ ઈન્ડિયાના સ્ટાર વિકેટકીપર બેટ્સમેન ઋષભ પંત આજે શુક્રવારે સવારે એક મોટી દુર્ઘટનામાં ખરાબ રીતે ઘાયલ થઈ ગયો હતો. દુર્ઘટના બાદ કેટલાક ફોટો અને વીડિયો સામે આવ્યા છે, જેને એકવાર જોયા બાદ કોઈ પણ ડરી શકે છે. જે કારમાં ઋષભ પંતનો અકસ્માત થયો તેની હાલત જ કહે છે કે અકસ્માત કેટલો ભયંકર હતો.
જો કે સારી વાત એ છે કે ઋષભ પંત બચી ગયો છે અને હવે તે ખતરાની બહાર હોવાનું કહેવાય છે. અકસ્માતના સમયનો એક સીસીટીવી વીડિયો પણ સામે આવ્યો છે, જેમાં જોવા મળે છે કે અકસ્માતમાં પંતની કાર રોકેટની ઝડપે ડિવાઈડર સાથે અથડાઈ અને થોડી જ સેકન્ડોમાં આગનો ગોળો બની ગઈ. જણાવવામાં આવી રહ્યું છે કે જે જગ્યાએ દુર્ઘટના થઈ હતી, ત્યારપછી કાર લગભગ 100 મીટર દૂર જઈને પડી હતી.
પંતની સારવાર કરી રહેલા ડોકટરોનું કહેવું છે કે તેને કપાળમાં ઈજાઓ થઈ છે તેમજ તેના ઘૂંટણમાં લિગામેન્ટમાં ઈજા થઈ છે. થોડા સમય પહેલા પંતના કેટલાક ફોટો સામે આવ્યા હતા, જેમાં પીઠ પર કેટલાક મોટા કાળા નિશાન છે. પહેલા એવું માનવામાં આવતું હતું કે આ નિશાન દાઝવાના છે, પરંતુ હવે ડોક્ટર્સ કહે છે કે આ દાઝવાના નિશાન નથી, પરંતુ જ્યારે અકસ્માત થયો ત્યારે તે જ સમયે ઋષભ પંત કારનો કાચ તોડીને બહાર આવ્યો અને ત્યાં જ પડી ગયો. તેની પીઠ પર ઈજાના નિશાન છે. ઘટના સવારે સાડા પાંચ વાગ્યાની જણાવવામાં આવી રહી છે.
जलती कार की खिड़की तोड़ कर बाहर निकले ऋषभ पंत#RishabhPantAccident #RishabhPant pic.twitter.com/p7pZh85L0e
— Vivek Srivastav🇮🇳 (@iVivekSrivastav) December 30, 2022
ઋષભ પંત જેવો અકસ્માતનો શિકાર બન્યો કે તરત જ તેનું મગજ કામ કરી ગયું અને ઉતાવળમાં તે કારનો કાચ તોડીને બહાર આવ્યો. ઋષભ પંત વિકેટ કીપર બેટ્સમેન છે, તેથી તેને મેદાન પર હંમેશા સતર્ક રહેવું પડે છે. આ જ સતર્કતાએ તેને આ અકસ્માતમાં પણ મદદ કરી અને આખી કાર આગમાં સળગી જાય તે પહેલા તે બહાર આવી ગયો.
આ દરમિયાન BCCI સેક્રેટરી જય શાહનું નિવેદન સામે આવ્યું છે. તે કહે છે કે મારી પ્રાર્થના ઋષભ પંત સાથે છે. તેનું કહેવું છે કે તેણે ઋષભ પંતના પરિવાર અને તેની સારવાર કરી રહેલા ડોક્ટરો સાથે વાત કરી છે. તેમની હાલત હાલ સ્થિર છે. જય શાહે એમ પણ કહ્યું છે કે અમે તેમની સ્થિતિ પર નજર રાખી રહ્યા છીએ. તેમને શક્ય તમામ મદદ પૂરી પાડવામાં આવશે.
