કોરોના વાયરસ રોગચાળાને કારણે દેશમાં 31 મે સુધી લોકડાઉન ચાલુ છે. હિમાચલ પ્રદેશએ કોરોના વાયરસ દ્વારા જારી થયેલ લોકડાઉનને 30 જૂન સુધી વધારવાનો નિર્ણય કર્યો છે. રાજ્યમાં કોરોના કેસોમાં થયેલા વધારાને આનું મુખ્ય કારણ માનવામાં આવી રહ્યું છે.હિમાચલની વાત કરીએ તો, કોરોના કેસની સંખ્યા 203 પર પહોંચી ગઈ છે, આ વાયરસના કારણે ત્રણ દર્દીઓએ પોતાનો જીવ પણ ગુમાવ્યો છે. સારવાર બાદ 63 દર્દીઓને રજા આપવામાં આવી છે,અહી ઉલ્લેખનીય છે કે રાજ્યમાં સક્રિય કોરોના કેસોની સંખ્યા હાલ 137 છે.
અહિયાં નોંધપાત્ર વાત એ પણ છે કે લોકડાઉન થવા છતાં દેશમાં કોરોના વાયરસના કેસોની સંખ્યા વધીને 1 લાખ 38 હજાર થઈ ગઈ છે. સોમવાર, 25 મેના રોજ સતત ચોથા દિવસે દેશમાં કોવિડ -19 ના સૌથી વધુ કેસ નોંધાયા હતા. છેલ્લા 24 કલાકમાં, 6,977 નવા કેસ આવ્યા પછી, દેશમાં ચેપના કુલ કેસો 1,38,845 પર પહોંચી ગઇ છે જ્યારે ટોટલ મૃત્યુઆંક 4,021 પર પહોંચી ગયો છે.
છેલ્લા 24 કલાકમાં કોરોનાના 154 લોકોએ પોતાનો જીવ ગુમાવ્યો છે. છેલ્લા 24 કલાકમાં નોંધાયેલા નવા કેસોમાં આ સૌથી મોટી સંખ્યા છે. આ પહેલા રવિવારે 6767 નવા દર્દીઓ મળી આવ્યા હતા. જો કે, તે રાહતની વાત છે કે 57721 દર્દીઓ કોરોનાને હરાવી શક્યા છે. અહી ઉલ્લેખનીય એ પણ છે કે રિકવરી દર 41.57 ટકા પર પહોચી ગયો છે.
