માર્ચના પ્રથમ દિવસે જ મોંઘવારીને મોટો ફટકો પડ્યો છે. મહિનાના પહેલા દિવસે ઘરેલુ એલપીજી સિલિન્ડર (LPG cylinder)ની કિંમતમાં 50 રૂપિયાનો વધારો થયો છે. હવે દિલ્હીમાં ઘરેલુ એલપીજી સિલિન્ડર રૂ.1103 થઈ ગયો છે. હોળી પહેલા તેને મોટો ફટકો માનવામાં આવે છે.
ન્યૂઝ એજન્સી ANI અનુસાર, 14.2 કિલોના ઘરેલુ એલપીજી સિલિન્ડરની કિંમતમાં 50 રૂપિયાનો વધારો થયો છે. તે જ સમયે, 19 કિલોના કોમર્શિયલ સિલિન્ડરની કિંમતમાં 350.50 રૂપિયાનો વધારો કરવામાં આવ્યો છે. દિલ્હીમાં હવે 19 કિલોનું કોમર્શિયલ સિલિન્ડર 2119.50 રૂપિયામાં મળશે. જ્યારે ઘરેલુ એલપીજી સિલિન્ડર 1103 રૂપિયાનો થઈ ગયો છે. વધેલા ભાવ આજથી જ લાગુ થઈ ગયા છે.
જો આજની વાત કરીએ તો 1 માર્ચથી દિલ્હીમાં કોમર્શિયલ LPG cylinder 1769 રૂપિયાના બદલે 2119.5 રૂપિયામાં મળશે. પહેલા કોલકાતામાં કિંમત 1870 રૂપિયા હતી, હવે તે 2221.5 રૂપિયા થઈ ગઈ છે. મુંબઈમાં તેની કિંમત 1721 રૂપિયાથી વધીને 2071.50 રૂપિયા થઈ ગઈ છે. ચેન્નાઈમાં જે સિલિન્ડર 1917 રૂપિયામાં મળતું હતું તે હવે 2268 રૂપિયામાં મળશે.
દિલ્હીમાં આજથી 14.2 કિલોનો ઘરેલુ LPG cylinder 1053 રૂપિયાના બદલે 1103 રૂપિયામાં મળશે. મુંબઈમાં આ સિલિન્ડર 1052.50 રૂપિયાના બદલે 1102.5 રૂપિયામાં વેચાશે. કોલકાતામાં તેની કિંમત 1079 રૂપિયાને બદલે 1129 રૂપિયા અને ચેન્નાઈમાં 1068.50 રૂપિયાને બદલે 1118.5 રૂપિયા થશે.
