મહિલા દિવસ નિમિત્તે વડા પ્રધાન નરેન્દ્ર મોદીએ વચન મુજબ મહિલાઓને તેમનું સોશિયલ મીડિયા એકાઉન્ટ સોંપી દીધું છે.આ સંદર્ભમાં પીએમ મોદીનું ટ્વિટર એકાઉન્ટ જાણીતી મહિલાઓ દ્વારા સંચાલિત કરવામાં આવી રહ્યું છે.મહિલા દિવસની શુભેચ્છા પાઠવતા પીએમ મોદીએ કહ્યું કે તેઓ મહિલા શક્તિની ભાવનાને સલામ કરે છે. પીએમ મોદીએ કહ્યું કે મેં થોડા દિવસો પહેલા કહ્યું હતુ તેમ, હવે હું સાઇન ઓફ કરું છું. આજે આખો દિવસ સાત મહિલાઓ તેમના સોશિયલ મીડિયા એકાઉન્ટ દ્વારા તેમના સફળ જીવનની વાર્તા કહેશે.
આ પછી ચેન્નાઈની સ્નેહા મોહનદાસે પીએમ મોદીના ટ્વિટર એકાઉન્ટને હેન્ડલ કરવાનું શરૂ કર્યું. સ્નેહા મોહનદાસ ચેન્નાઈમાં ફૂડ બેંક ચલાવે છે. આ દ્વારા તે ગરીબોને ભોજન ખવડાવે છે. તેમણે પીએમ મોદીના ખાતામાંથી ટ્વિટ કરીને કહ્યું કે મને મારા કામથી અપાર સંતોષ મળે છે. તેમણે કહ્યું કે હું તમામ દેશવાસીઓ, ખાસ કરીને મહિલાઓને આગળ આવવા અને મારી સાથે જોડાવા અપીલ કરું છું.
આ દરમિયાન એક યુઝર દ્વારા સ્નેહા ને પૂછવામાં આવ્યું જે પીએમ નરેન્દ્ર મોદીના ટ્વિટરને સંભાળી રહ્યા છે. વિક્રાંત ભાદોરીયા નામના વ્યક્તિએ સ્નેહા મોહનદાસને કહ્યું, “કૃપા કરીને પાસવર્ડ જણાવો.” તેના જવાબમાં, વડા પ્રધાનના ટ્વિટર એકાઉન્ટને સંચાલિત કરી રહેલા સ્નેહા મોહનદાસે કહ્યું, “ન્યુ ઈન્ડિયા … લોગ ઈન કરતા કરો.” સ્નેહા મોહનદાસનો આ જવાબ ટ્વિટર પર વાયરલ થઈ રહ્યો છે.
તમને જણાવી દઇએ કે 3 માર્ચે વડા પ્રધાન મોદીએ જાહેરાત કરી હતી કે તેઓ મહિલા દિવસ પર મહિલાઓને સંભાળવા માટે તેમનું સોશ્યલ મીડિયા પ્લેટફોર્મ આપશે. વડા પ્રધાન મોદીએ કહ્યું હતું કે ભારતમાં અસાધારણ મહિલાઓ છે, જેમણે ઘણા ક્ષેત્રોમાં સરસ કામગીરી કરી અને સફળતા હાંસલ કરી. તેણે એક ટ્વિટમાં લખ્યું, “તેણીની સંઘર્ષ અને મહત્વાકાંક્ષા લાખો લોકોને પ્રેરણા આપે છે. ચાલો આવી મહિલાઓની સિદ્ધિઓની ઉજવણી કરીએ અને તેમાંથી શીખીએ.”
