જો તમે વધુ બચત અને ખાસ ઓફર્સ સાથે ઇલેક્ટ્રિક સ્કૂટર (Electric Scooter) ખરીદવાનું વિચારી રહ્યા છો, તો હવે એક સારી તક આવી છે. ઓલા ઇલેક્ટ્રિકે “આઇસીઈ યુગનો અંત” અભિયાન હેઠળ ગ્રાહકો માટે ખાસ ઓફર જાહેર કરી છે, જેમાં ₹50,000 સુધીના લાભો આપવામાં આવી રહ્યા છે. કંપનીનો હેતુ ભારતમાં ઇલેક્ટ્રિક વાહનોનો ઉપયોગ ઝડપથી વધારવાનો છે.
માત્ર ₹49,999થી શરૂ થતા સ્કૂટર:કંપની અનુસાર, Gen 3 Ola S1 X (2kWh) અને Ola Roadster X (2.5 kWh) હવે ફક્ત ₹49,999 ની પ્રારંભિક કિંમતે ઉપલબ્ધ છે. આ ઓફર હેઠળ સમગ્ર પોર્ટફોલિયોમાં ₹50,000 સુધીના લાભો મળી શકે છે. આ સ્કીમ 31 માર્ચ, 2026 સુધી માન્ય રહેશે. વધતી ઇંધણ કિંમતો વચ્ચે ઇલેક્ટ્રિક વાહનો હવે વધુ સસ્તા અને લોકપ્રિય વિકલ્પ બની રહ્યા છે.
કંપનીના ચેરમેન અને મેનેજિંગ ડિરેક્ટર ભાવિશ અગ્રવાલે જણાવ્યું હતું કે વૈશ્વિક સ્તરે તેલની કિંમતોમાં વધઘટને કારણે ઊર્જા સુરક્ષા મહત્વપૂર્ણ બની છે. ભારતને ઊર્જા સ્વનિર્ભરતા તરફ આગળ વધવું જરૂરી છે. આ અભિયાન દ્વારા કંપની વધુ લોકોને ઇલેક્ટ્રિક વાહનો અપનાવવા પ્રોત્સાહિત કરી રહી છે.
ગ્રાહકો માટે ખાસ સુવિધાઓ:
આ ઓફર હેઠળ ગ્રાહકોને Service Trust Guarantee, Buyback Guarantee અને Extended Warranty જેવી સુવિધાઓ આપવામાં આવી રહી છે. કંપનીનો દાવો છે કે 80% કેસોમાં સર્વિસ તે જ દિવસે પૂર્ણ કરવામાં આવે છે. જો સમયસર સર્વિસ ન મળે, તો ગ્રાહકોને મફત Ola Cab વાઉચર આપવામાં આવશે.
8 વર્ષની વોરંટી અને બાયબેક ઓફર:
ઓલા ઇલેક્ટ્રિક 60% સુધીની ખાતરીપૂર્વકની બાયબેક (Buyback) કિંમત પણ આપી રહી છે, જેથી ભવિષ્યમાં વાહન અપગ્રેડ કરવું સરળ બને. સાથે જ S1 સ્કૂટર અને રોડસ્ટર મોડલ પર હવે 8 વર્ષની વિસ્તૃત વોરંટી (Extended Warranty) આપવામાં આવશે, જે લાંબા ગાળે વિશ્વસનીયતા વધારશે.
