યુપીના ઉન્નાવ જિલ્લાની એક હોટલમાં એક યુવતીની લાશ રૂમમાં ફાંસીથી લટકતી મળી આવી છે. યુવતી ની લાશ મળી આવતા ચકચાર મચી ગઈ છે. મળતી માહિતી મુજબ યુવતીના પ્રેમીએ થોડા દિવસ પહેલા આત્મહત્યા કરી લીધી હતી અને તેના મૃત્યુ બાદ તે ખૂબ જ દુખી હતી અને તેણે હોટલમાં ફાંસો ખાઈને આત્મહત્યા કરી લીધી હતી. પોલીસને યુવતીના મૃતદેહ પાસેથી એક સુસાઈડ નોટ મળી આવી છે, જેમાં યુવતીએ તેના પિતાની માફી માંગી છે.
પ્રેમીના મૃત્યુ બાદ યુવતી ખૂબ જ દુઃખી હતી, ત્યારબાદ તેણે આ ભયંકર પગલું ભર્યું. મૃતક યુવતીને વિશાલ નામના છોકરા સાથે પ્રેમ સંબંધ હતો. છોકરાનો પરિવાર છોકરી સાથે તેના લગ્ન માટે તૈયાર નહોતો. ભૂતકાળમાં 12 મેના રોજ, યુવતીના પ્રેમી વિશાલે કાનપુરના ગોવિંદ નગર સ્થિત તેના ઘરે ફાંસી લગાવીને આત્મહત્યા કરી હતી.
યુવતીના પરિવારજનોના જણાવ્યા અનુસાર યુવતી રવિવારે સવારે 9:40 કલાકે ગોવિંદ નગર જવાનું કહીને ઘરેથી નીકળી હતી. બપોરે 1:00 વાગ્યાની આસપાસ પોલીસે યુવતીના પરિવારજનોને જાણ કરી કે તેણે હોટલમાં ગળેફાંસો ખાઈને આત્મહત્યા કરી લીધી છે.
