Asia Cup 2023: એશિયા કપ 2023નું શેડ્યૂલ જાહેર, પહેલી મેચ પાકિસ્તાનના આ મેદાન પર થશે

એશિયન ક્રિકેટ કાઉન્સિલના ચીફ જય શાહે એશિયા કપ 2023 (Asia Cup 2023) નું શેડ્યૂલ જાહેર કર્યું છે. પાકિસ્તાન દ્વારા આયોજિત આ ટુર્નામેન્ટ 30 ઓગસ્ટથી શરૂ થશે અને ફાઈનલ 17 સપ્ટેમ્બરે રમાશે. આ ટુર્નામેન્ટ હાઇબ્રિડ મોડલ પર રમાશે. આ ટૂર્નામેન્ટમાં ભારત-પાકિસ્તાનની ટીમ ફરી એકવાર આમને-સામને થશે.

એશિયા કપ 2023ની પ્રથમ મેચ પાકિસ્તાન અને નેપાળ વચ્ચે રમાશે. આ મેચ પાકિસ્તાનના મુલ્તાનમાં રમાશે. આ ટુર્નામેન્ટ હાઇબ્રિડ મોડલ પર રમાશે. ટૂર્નામેન્ટની માત્ર 4 મેચોનું આયોજન પાકિસ્તાન કરશે. પાકિસ્તાનમાં ગ્રુપ સ્ટેજની 3 મેચ અને સુપર-4ની એક મેચ રમાશે. આ સિવાય તમામ મેચો શ્રીલંકામાં થશે.

ODI વર્લ્ડ કપ 2023ની તૈયારીઓને જોતા આ ટૂર્નામેન્ટ તમામ ટીમો માટે ખૂબ જ મહત્વપૂર્ણ બની રહી છે. શેડ્યૂલ મુજબ ભારત અને પાકિસ્તાન વચ્ચે લીગ સ્ટેજમાં રમાનાર મેચ 2 સપ્ટેમ્બરે રમાશે. શ્રીલંકાના કેન્ડી શહેરને આ મેચની યજમાની મળી છે. તે જ સમયે, જો બંને ટીમો સુપર-4 માટે ક્વોલિફાય થાય છે, તો ભારત અને પાકિસ્તાનની ટીમો ફરી એકવાર 10 સપ્ટેમ્બરે આમને-સામને થશે.

આ વખતે એશિયા કપ ODI ફોર્મેટમાં રમાશે. લીગ સ્ટેજ, સુપર-4 અને ફાઈનલ સહિત કુલ 13 મેચો રમાશે. એશિયા કપ 2023માં ભારત, પાકિસ્તાન, શ્રીલંકા, બાંગ્લાદેશ, અફઘાનિસ્તાન અને નેપાળની ટીમો મેદાનમાં ઉતરી રહી છે. ભારત, પાકિસ્તાન અને નેપાળની ટીમોને એક ગ્રુપમાં રાખવામાં આવી છે જ્યારે ડિફેન્ડિંગ ચેમ્પિયન શ્રીલંકા, અફઘાનિસ્તાન અને બાંગ્લાદેશ બીજા ગ્રુપમાં છે.

Schedule of Asia Cup:

પાકિસ્તાન vs નેપાળ – 30 ઓગસ્ટ
બાંગ્લાદેશ vs શ્રીલંકા – 31 ઓગસ્ટ
ભારત vs પાકિસ્તાન – 2 સપ્ટેમ્બર
બાંગ્લાદેશ vs અફઘાનિસ્તાન – 3 સપ્ટેમ્બર
ભારત vs નેપાળ – 4 સપ્ટેમ્બર
શ્રીલંકા vs અફઘાનિસ્તાન – 5 સપ્ટેમ્બર