આપણા દેશમાં અનેક સાધુ, યોગીઓ અને મુનિઓ છે. એવી માન્યતાઓ છે કે હિમાલય અને બીજા એવા દુર્ગમ સ્થાન પર બહુ મોટી સંખ્યામાં સાધુ અને સંતો તપસ્યામાં લીન હોય છે અને તેમની તપસ્યાના ફળથી પ્રાણીઓ અને આવનાર સંકટ ટળી જાય છે. અમુક સાધુ સંત એ સમાજમાં રહીને પણ પોતાની સાધના કરતા હોય છે. આજે અમે તમને એવા જ એક સાધુ વિષે જણાવી રહ્યા છે. તેઓ કોરોના મહામારીથી દુનિયાથી બચાવવા માટે કઠોર તપ કરી રહ્યા છે.
દિલ્હીના અકબરપૂર માજરા પર બનેલ એક મંદિરમાં એક સંત આજકાલ ચર્ચાનો વિષય બની ગયા છે. આ સાધુ બાબા ખુબ જ આકરું અને આટલી ઠંડીમાં જલધારા વચ્ચે કઠોર તપ કરી રહ્યા છે.આ ખાસ તપસ્યાના કારણ અંગે બાબા કહે છે કે તેઓ માનવતાના ભલા અને કોરોનાથી મુક્તિ માટે કઠોર તપ કરી રહ્યા છે. આ સાધુઓ બાબા નાથ સંપ્રદાયના છે, તેમનું નામ અનિલ નાથ છે. બાબા અનિલ નાથ કહે છે કે જેટલી સખત તપસ્યા હશે તેટલું જલ્દી ફળ મળશે.
આ કારણથી તેઓ શિયાળામાં ઠંડા પાણીના પ્રવાહની વચ્ચે સતત પોતાની કઠોર તપસ્યા કરી રહ્યા છે. બાબા અનિલ નાથની આ કઠોર તપસ્યામાં સ્થાનિક લોકો અને ગ્રામજનો પણ પૂરો સહયોગ આપી રહ્યા છે.પ્રાપ્ત માહિતી અનુસાર, બાબા અનિલ નાથ 41 દિવસ સુધી તેમની કઠોર તપસ્યા ચાલુ રાખશે અને ઠંડા પાણીના પ્રવાહની વચ્ચે તપસ્યા કરશે.
લોકો માટે ઠંડીની મોસમમાં આવી તપશ્ચર્યા આશ્ચર્યજનક છે. જે પણ તેમની સાધના વિશે સાંભળે છે તે બાબાના દર્શન કરવા અહીં પહોંચી રહ્યા છે. સાધુ બાબાના દર્શન કરવા અને દર્શન કરવા માટે લોકો દૂર-દૂરથી આવી રહ્યા છે. બાબા અનિલ નાથની કઠોર તપસ્યાની સોશિયલ મીડિયા પર ખૂબ ચર્ચા થઈ રહી છે.
