આંખોની રોશની ગુમાવી હોવા છતાં પોતાનું સપનું પૂરું કર્યું આ અંધ મહિલાએ, IAS બની બતાવ્યું કે શું હોય છે સપના પાછળની મહેનત…
લોકો પાસે બધું જ હોય છે, તેમ છતાં તેઓ તેમના સપના પૂરા કરવાને બદલે હાર માની લે છે. કેટલાક લોકો એવા હોય છે જે કેટલીક ખામીઓ હોવા છતાં પણ તેમના સપના છોડતા નથી. તે ખામીઓ સાથે, તે તેને પૂર્ણ કરવા માટે તેમના જીવન સાથે વ્યસ્ત રહે છે. આવી જ કહાની છે તમિલનાડુની રહેવાસી પૂર્ણા સુંદરીની, જે પોતાની આંખોથી જોઈ શકતી નથી, છતાં પણ આખી દુનિયા જીતવા માંગે છે અને જીતી રહી છે, જેને તેની હિંમતની ખૂબ પ્રશંસા મળી રહી છે.
પૂર્ણા તમિલનાડુના મદુરાઈની રહેવાસી છે. 5 વર્ષની નાની ઉંમરે, પૂર્ણાની આંખોની રોશની ઓછી થવા લાગી, ત્યારબાદ તેના માતા-પિતાએ તેની આંખની હોસ્પિટલમાં સારવાર કરાવી. જોકે, પૂર્ણા જન્મથી અંધ નહોતી.
ડોક્ટરોએ તેને કહ્યું કે, પૂર્ણાને આંખ સંબંધિત એક દુર્લભ બીમારી છે, જેના કારણે થોડા સમય પછી તે તેની બંને આંખોની દૃષ્ટિ સંપૂર્ણપણે ગુમાવી દેશે.
પૂર્ણાના માતા-પિતાએ તેની બંને આંખોની સર્જરી કરાવી હતી, પણ ધીમે-ધીમે તેણે બંને આંખોમાંથી દ્રષ્ટિ ગુમાવી દીધી હતી. આ કારણે પૂર્ણાને અભ્યાસમાં ઘણી સમસ્યાઓનો સામનો કરવો પડ્યો, જેમાં તેના માતા-પિતા અને તેના મિત્રોએ તેને પૂરો સાથ આપ્યો. પૂર્ણાએ કહ્યું કે, તૈયારીમાં, મેં ઓડિયો ફોર્મેટમાં ઉપલબ્ધ અભ્યાસ સામગ્રીની મદદ લીધી. આ સિવાય લેપટોપમાં બોલતા સોફ્ટવેરની પણ મદદ લીધી. મારા માતા-પિતા મને પુસ્તકો વાંચતા હતા તેમજ મારા મિત્રો અને વરિષ્ઠોએ મને ખૂબ સપોર્ટ કર્યો હતો.
પૂર્ણાએ તેની બંને આંખોની દૃષ્ટિ ગુમાવ્યા પછી પણ યુપીએસસીની તૈયારી કરતી વખતે તેના ચોથા પ્રયાસમાં સફળતા દર્શાવી છે. તેણે ઓલ ઈન્ડિયામાં 286મો રેન્ક મેળવ્યો છે.
તેને સમાચાર એજન્સી એએનઆઈને જણાવ્યું હતું કે, મારા માતા-પિતાએ મને ખૂબ સપોર્ટ કર્યો. આ સફળતાનો શ્રેય હું તેમને આપવા માંગુ છું. આ મારો ચોથો પ્રયાસ હતો. આ પરીક્ષાની તૈયારી કરવામાં મને 5 વર્ષ લાગ્યાં.
તેને જણાવ્યું કે મેં ધોરણ 11માં IAS ઓફિસર બનવાનું સપનું જોયું હતું. ટી ઉધયચંદ્ર અને યુ સગયમ જેવા IAS અધિકારીઓ પાસેથી મને સિવિલ સર્વિસ પરીક્ષા (UPSC) આપવાની પ્રેરણા મળી, પણ આ સફર મારા માટે ખૂબ જ સરળ ન હતી, આમાં મારા માતા-પિતા અને મારા મિત્રોએ મને ઘણો સાથ આપ્યો, તો જ હું આ સ્થાન હાંસલ કરી શકી છું. હું શિક્ષણ, આરોગ્ય અને મહિલા સશક્તિકરણ જેવા ક્ષેત્રોમાં મારી સેવાઓ આપવા માંગુ છું, હું મારાથી 100 % જેટલું અપાય તે બાબતે કામ આપીશ.