શિયાળો ચરમસીમાએ છે અને શરીર થીજી જાય તેવી ઠંડી પડી રહી છે. આવી સ્થિતિમાં ફેફસા સંબંધિત રોગોનું જોખમ વધે છે અને ન્યુમોનિયા, અસ્થમા અને બ્રોન્કાઇટિસ જેવા કેટલાક રોગોને ઉત્તેજિત કરે છે. જો ન્યુમોનિયાની જ વાત કરીએ તો અત્યારે દુનિયામાં તેની ગંભીર પ્રકારની ચર્ચા થઈ રહી છે. વાસ્તવમાં ન્યૂ ઇંગ્લેન્ડમાં લિજીયોનેયર્સ ન્યુમોનિયાના કારણે બે લોકોના મોત થયા છે, જે ન્યુમોનિયાનો સૌથી ખતરનાક પ્રકાર છે.
એવા પણ સમાચાર છે કે આ વ્યક્તિ ગંભીર રીતે બીમાર હોવાને કારણે હોસ્પિટલમાં દાખલ છે. તો ચાલો જાણીએ Legionnaires’ શું છે, તેના કારણો અને લક્ષણો. યુ.એસ. સેન્ટર્સ ફોર ડિસીઝ કંટ્રોલ એન્ડ પ્રિવેન્શન અનુસાર, લીજીયોનેયર્સ રોગ એ લીજીયોનેલા બેક્ટેરિયાને કારણે થતો ગંભીર પ્રકારનો ન્યુમોનિયા છે.
જ્યારે કોઈ વ્યક્તિ દૂષિત પાણીના નાના ટીપાને શ્વાસમાં લે છે ત્યારે લિજીયોનેલા બેક્ટેરિયા ફેલાય છે, જે સામાન્ય રીતે હ્યુમિડિફાયર અને એર કન્ડીશનીંગ સિસ્ટમ અને પીવાના પાણીમાં જોવા મળે છે. સામાન્ય રીતે આવા પાણી હોટલ, હોસ્પિટલો અને પુરવઠામાંથી આવી શકે છે અને તમને સરળતાથી સંક્રમિત કરી શકે છે. જે લોકો લેજીયોનેલા બેક્ટેરિયાના સંપર્કમાં આવ્યા પછી બીમાર પડે છે તેઓ બે અલગ-અલગ બિમારીઓ વિકસાવી શકે છે, લિજીયોનેયર્સ રોગ અને પોન્ટિયાક તાવ.
Legionnaires ના લક્ષણો:
Legionnairesના બેક્ટેરિયા સ્પાઈડરના જાળાની જેમ ફેફસાંને ઘેરી લે છે અને તમે ફ્લૂ જેવા લક્ષણો અનુભવી શકો છો જે સમય જતાં ગંભીર બની શકે છે.માથાનો દુખાવો, સ્નાયુમાં દુખાવો,ખૂબ ઉધરસ,તાવ, શ્વાસ લેવામાં તકલીફ જેવા લક્ષણો પણ દેખાય છે.
નબળી રોગપ્રતિકારક શક્તિ અને નબળા ફેફસાંવાળા લોકોમાં લીજનનેયર્સના બેક્ટેરિયા પ્રથમ ટ્રિગર હોઈ શકે છે. જે લોકો પહેલાથી જ ક્રોનિક ઓબ્સ્ટ્રક્ટિવ પલ્મોનરી ડિસીઝ(COPD), શ્વસન સંબંધી સમસ્યાઓ જેમ કે ન્યુમોનિયા, અસ્થમા અથવા બ્રોન્કાઇટિસ ધરાવતા હોય તેઓએ તેને ટાળવું જોઈએ. ઉપરાંત ધૂમ્રપાન જેવી ખરાબ ટેવો ધરાવતા લોકોએ પણ સતર્ક રહેવું જોઈએ અને લક્ષણો દેખાય કે તરત જ ડૉક્ટરની સલાહ લેવી જોઈએ.
