અમેરિકાથી એક દુઃખદ ઘટના સામે આવી છે. અમેરિકામાં રોડ અકસ્માતમાં 3 ગુજરાતી મહિલાઓનાં મોત નીપજ્યા હોવાનું સામે આવ્યું છે. જ્યારે આ ત્રણેય મહિલાઓ આણંદ જીલ્લાનાં બોરસદ તાલુકાની વતની હોવાનું સામે આવ્યું છે. એટલાન્ટાથી ગ્રીન વેલી સાઉથ કરોલી જતા સમયે આ અકસ્માત સર્જાયો હતો. કાર ડિવાઈડર સાથે અથડાતા અકસ્માત થયો હતો. કાર અકસ્માતમાં ત્રણ મહિલાનાં મોત થતા પરિવારજનોમાં શોકનું મોંજુ ફરી વળ્યું છે.
અમેરિકા સર્જાયેલ આ અકસ્માતમાં રેખાબેન દિલીપ ભાઈ પટેલ, સંગીતાબેન ભાવેશભાઈ પટેલ અને મનિષા બેન રાજેન્દ્રભાઇ પટેલનું મૃત્યુ નીપજ્યું છે. જ્યારે એક મહિલાની હાલત ગંભીર હોવાનું સામે આવ્યું છે.
જાણકારી અનુસાર, મૂળ ગુજરાતનાં આણંદ જીલ્લાનાં રહેવાસી અને અમેરિકામાં સ્થાયી થયેલા પટેલ પરિવાર ગઈ દુઃખનો પહાડ તૂટી પડ્યો હતો. જ્યારે અમેરિકાનાં સાઉથ કેરોલીનાનાં ગ્રીનવિલેમાં સર્જાયેલ અકસ્માતમાં ત્રણ મહિલાઓના મૃત્યુ નિપજ્યા હતા. મૃતકોમાં બે મહિલાઓ વાસણા ગામની વતની હોવાનું સામે આવ્યું છે. જ્યારે એક મહિલા કાવીઠા ગામનાં મૂળ વતની હોવાનું સામે આવ્યું છે. ત્યારે અકસ્માતમાં ગાડીમાં સવાર હજુ એક વાસણા ગામની મહિલાની હાલત ગંભીર હોવાનું જાણકારી સામે આવી છે.
તમને જણાવી દઈએ કે, સવારના સમયે મહિલાઓ એટલાન્ટાથી ગ્રીનવિલે સાઉથ કોરોલીનાં તરફ જઈ રહી હતી. તે સમયે તેઓની કારનો અકસ્માત સર્જાયો હતો. ત્યારે પ્રાથમિક જાણકારી સામે આવી છે કે, કાર ઓવર સ્પીડમાં હોવાના લીધે અકસ્માત સર્જાયો હોવાનું સામે આવ્યું છે. અકસ્માતના લીધે અમેરિકાની પોલીસ દ્વારા તાત્કાલીક ઘટના સ્થળ પર પહોંચી ટ્રાફિક ક્લીયર કરવાની કામગીરી હાથ ધરવામાં આવી હતી.
