આ એન્જીનીયર યુવતીના નામે ફેક આઈડી બનાવી મેસેજ કરતો અને અશ્લીલ ફોટા માંગતો, પછી બ્લેકમેઈલ કરીને…

સોશિયલ મીડિયા પર સંપર્કમાં આવ્યા બાદ યુવતીને અન્ય યુવતીઓના વાંધાજનક વીડિયો, ફોટા મંગાવી બ્લેકમેલ કરનાર આરોપી જય મેવાડા (24)ની અમદાવાદ સાયબર સેલ દ્વારા ધરપકડ કરવામાં આવી છે. તેને ઊંઝામાંથી પકડી પાડ્યો હતો. અમદાવાદ શહેરના નારણપુરા વિસ્તારમાં રહેતી યુવતી દ્વારા આરોપી સામે ફરિયાદ નોંધાવવામાં આવી છે. આરોપીએ એન્જિનિયરિંગ કર્યું છે. હાલમાં તે સ્ટુડન્ટ વિઝા પર યુકેમાં અભ્યાસ કરે છે.

યુવતીએ આપેલી ફરિયાદમાં આરોપ છે કે 24 ડિસેમ્બર 2021ના રોજ આરોપીએ સોશિયલ મીડિયા પ્લેટફોર્મ ઈન્સ્ટાગ્રામ દ્વારા ફ્રેન્ડ રિક્વેસ્ટ મોકલી હતી. છોકરીએ તેને સ્વીકારી લીધો. જે બાદ કોઈક રીતે આરોપીને તે યુવતીનો વાંધાજનક ફોટો મળી ગયો. તે વાંધાજનક ફોટા દ્વારા આરોપીએ યુવતી પાસે તેના વાંધાજનક વીડિયો અને ફોટા માંગ્યા હતા. જે બાદ આરોપીએ યુવતીને અન્ય યુવતીઓના વાંધાજનક વીડિયો અને ફોટા મોકલવાનું કહેવાનું શરૂ કર્યું.

જ્યારે યુવતીએ ના પાડી તો તેણે યુવતીનો વાંધાજનક વીડિયો અને ફોટો સોશિયલ મીડિયા પર વાયરલ કરવાની ધમકી આપવાનું શરૂ કર્યું.યુવતીએ આ અંગે સાયબર સેલમાં ફરિયાદ કરી હતી. જેની તપાસ દરમિયાન સાયબર સેલ દ્વારા આરોપીની ધરપકડ કરવામાં આવી હતી.સાયબર સેલના અધિકારીઓનો દાવો છે કે આરોપીએ પૂછપરછ દરમિયાન યુવતીને બ્લેકમેલ કર્યાની કબૂલાત કરી છે.