લો બોલો… અમેરિકામાં ભણતા દર 5માંથી 1 વિદ્યાર્થી ભારતીય છે, આ વર્ષે આ રેકોર્ડ તૂટી જશે

અમેરિકાએ ભારતીય વિદ્યાર્થીઓ માટે વિઝાની સુવિધા સરળ બનાવી છે. જેના કારણે હવે વધુને વધુ ભારતીયો અમેરિકામાં અભ્યાસ કરવા જઈ રહ્યા છે. યુએસ એમ્બેસેડર એરિક ગારસેટ્ટીએ 7મા વાર્ષિક સ્ટુડન્ટ વિઝા ડે પ્રોગ્રામ દરમિયાન જણાવ્યું હતું કે 2022માં, યુએસમાંથી જારી કરાયેલા દરેક 5 સ્ટુડન્ટ વિઝામાંથી 1 વિઝા ભારતીય વિદ્યાર્થીઓને મળ્યો છે. ભારત અને અમેરિકાના સંબંધોની મજબૂતી તરફ ઈશારો કરતા તેમણે કહ્યું કે આ સંખ્યા વધી પણ શકે છે. અમેરિકી રાજદૂતે કહ્યું કે અમેરિકા પહોંચનારા વિદ્યાર્થીઓમાં સૌથી વધુ સંખ્યામાં ભારતીયો છે.

યુએસ એમ્બેસેડર એરિક ગારસેટીએ કહ્યું કે યુએસ મિશન ઈન્ડિયાનું કામ જોઈને લાગે છે કે ભારત અને અમેરિકા વચ્ચેના સંબંધો કેટલા ગાઢ છે. આ જ કારણ છે કે વિશ્વના કોઈપણ દેશ કરતાં વધુ ભારતીય વિદ્યાર્થીઓ અભ્યાસ માટે અમેરિકા પહોંચી રહ્યા છે. ગયા વર્ષે ભારત નંબર 1 સ્થાન પર હતું અને હું ખાતરીપૂર્વક કહી શકું છું કે નજીકના ભવિષ્યમાં તે બદલાશે નહીં. અમે આ સંબંધને વધુ મજબૂત કરીશું. તે માત્ર અમેરિકન લોકો માટે જ નહીં પરંતુ સમગ્ર વિશ્વ માટે ઉચ્ચ શિક્ષણના દ્વાર ખોલવા જેવું છે.

અમેરિકી રાજદૂતે કહ્યું કે ગયા વર્ષે ભારતમાં દર પાંચમાંથી 1 સ્ટુડન્ટ વિઝા આપવામાં આવ્યા હતા. તેમણે કહ્યું કે એવું નથી કે માત્ર અમેરિકામાં ભણતા ભારતીયોની સંખ્યા વધી રહી છે, પરંતુ દાયકાઓથી ભારતીય વિદ્યાર્થીઓ ઉત્તમ કામ કરી રહ્યા છે. એટલા માટે અમે ઈતિહાસમાં સૌથી વધુ સંખ્યામાં સ્ટુડન્ટ વિઝા આપવા જઈ રહ્યા છીએ. ભારતમાં વિઝા માટેનું અમેરિકન મિશન કામ કરી રહ્યું છે અને 7મા વાર્ષિક કાર્યક્રમમાં દિલ્હી, ચેન્નાઈ, હૈદરાબાદ, કોલકાતા, મુંબઈના કોન્સ્યુલરોએ વિઝા માટે લગભગ 3500 ભારતીય વિદ્યાર્થીઓનો ઈન્ટરવ્યુ લીધો હતો.