Oral cancer treatment : ઉત્તર પ્રદેશના આગ્રાની એક હોસ્પિટલમાં ડોક્ટરોએ કેન્સર (Cancer) ના દર્દીના જડબાનું સફળતાપૂર્વક ઓપરેશન કર્યું છે અને પગના હાડકાનો ઉપયોગ કરીને જડબું બનાવ્યું છે. સર્જરી સફળ થયા બાદ હવે તેની ખૂબ ચર્ચા થઈ રહી છે. મોં અને ગળાના કેન્સરને કારણે દર્દીના જડબાને નુકસાન થયું હતું અને ઓપરેશન બાદ ગાંઠ કાઢી નાખવામાં આવી હતી.
આ પછી આગ્રા સ્થિત ડૉ. સરોજિની નાયડુ મેડિકલ કૉલેજ ના ડૉક્ટરોએ પગના હાડકાનો ઉપયોગ કરીને દર્દીના જડબાને ફરીથી બનાવવામાં સફળતા મેળવી છે.માહિતી આપતાં ડોક્ટરોએ કહ્યું કે જડબાની સર્જરી બાદ હવે દર્દી સંપૂર્ણપણે ઠીક છે. એસએન મેડિકલ કોલેજના પ્રિન્સિપાલ ડો. પ્રશાંત ગુપ્તાએ જણાવ્યું કે હોસ્પિટલમાં જટિલ સર્જરી કરવામાં આવી છે અને હવે દર્દીઓએ આવી સર્જરી માટે બહાર જવું પડતું નથી.
આ પણ વાંચો: સુરતના બારડોલી નેશનલ હાઈવે પર કાર અને ડમ્પર વચ્ચે સર્જાયો ભયંકર અકસ્માત, છ લોકોના મોત
એસએન મેડિકલ કોલેજે વધુમાં જણાવ્યું હતું કે કેન્સરગ્રસ્ત જડબાને નાક-કાન-ગળા વિભાગ (ઇએનટી વિભાગ)ના એસોસિયેટ પ્રોફેસર ડૉ. અખિલ પ્રતાપ સિંહ અને ત્યારબાદ પ્લાસ્ટિક સર્જરી વિભાગના આસિસ્ટન્ટ પ્રોફેસર ડૉ. પ્રણય સિંઘ દ્વારા દૂર કરવામાં આવ્યું હતું. દર્દીનું જડબું દૂર કરવામાં આવ્યું હતું.
હોસ્પિટલે કહ્યું કે જડબાના પુનઃનિર્માણ માટે જમણા પગના હાડકાનો ઉપયોગ કરવામાં આવ્યો હતો. પગના હાડકાને પહેલા જડબાના આકારમાં લાવવામાં આવ્યું અને પછી તે હાડકામાં લોહીનો પ્રવાહ સ્થાપિત કરવા માટે ‘માઈક્રોવેસ્ક્યુલર’ પદ્ધતિ દ્વારા તેને ગરદનની નસો સાથે ફરીથી જોડવામાં આવ્યું. ઑપરેશન કર્યા પછી, ડૉક્ટરોએ કહ્યું કે આ પ્રકારની સર્જરીને ‘ફ્રી ટિશ્યુ ટ્રાન્સફર’ અથવા ‘ફ્રી ફાઇબ્યુલા ફ્લૅપ રિકન્સ્ટ્રક્શન’ કહેવામાં આવે છે. તેમણે જણાવ્યું કે આ સર્જરીથી દર્દીના ચહેરા પર કોઈ વિકૃતિ આવતી નથી.
આ પણ વાંચો: શનિદેવની એક ખરાબ દ્રષ્ટિ પણ જીવનમાં ભૂકંપ લાવી દે છે, શનિ જયંતિ પર કરો આ કામ
