હવામાન વિભાગની મોટી આગાહી, ગુજરાતમાં હજુ આ તારીખ સુધી જોવા મળશે ભારે વરસાદ
ગુજરાતમાં છેલ્લા થોડા દિવસોથી ભારે વરસાદ વરસી રહ્યો છે. એવામાં હવામાન વિભાગ દ્વારા રાજ્યમાં વરસાદને લઈને મોટી આગાહી કરવામાં આવી છે. હવામાન વિભાગ દ્વારા રાજ્યમાં ૩૧ સુધી ભારે વરસાદ વરસવાની આગાહી કરવામાં આવી છે.
હવામાન વિભાગની આગાહી મુજબ, સૌરાષ્ટ્ર બાદ હવે મધ્ય ગુજરાતના વડોદરા અને અમદાવાદ જિલ્લામાં ભારે વરસાદ વરસવાની શક્યતા છે. 29 જુલાઈના અમદાવાદ, આણંદ, છોટાઉદેપુર, વડોદરા અને ભરૂચ માટે ઓરેન્જ એલર્ટ આપવામાં આવ્યું છે.
હવામાન વિભાગ દ્વારા વધુમાં આગાહી કરતા જણાવવામાં આવ્યું છે કે, બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, પંચમહાલ, મહીસાગર, નર્મદા, ડાંગ, સુરત નવસારી, દાહોદ, વલસાડ, તાપી, દમણ, દાદરા નગર હવેલી, સુરેન્દ્રનગર, જામનગર, રાજકોટ, બોટાદ, મોરબી અને ભાવનગરમાં યેલો એલર્ટ આપવામાં આવ્યું છે.
હવામાન વિભાગ દ્વારા 30 જુલાઈના નવસારી, વલસાડ અને દમણ, દાદરા નગર હવેલીમાં ભારે વરસાદની આગાહી કરવામાં આવી છે. આ સિવાય 31 જુલાઈના નવસારી, વલસાડ અને દમણ, દાદરા નગર હવેલીમાં ભારે વરસાદને લઈએ ચેતવણી આપવામાં આવી છે. આ સિવાય ગુજરાતના સૌરાષ્ટ્ર અને દક્ષિણ ગુજરાતમાં ભારે વરસાદના લીધે ભારે નુકસાન પહોંચ્યું છે. એવામાં હવે હવામાન વિભાગ દ્વારા વરસાદને લઈને આગાહી કરવામાં આવી છે.