રાજકોટ જિલ્લાના ગોંડલ માર્કેટિંગ યાર્ડમાં આગ લાગવાની જાણકારી સામે આવી છે. જ્યારે આ આગ મરચાની ભારીમાં લાગી હતી. આગ ક્યા કારણોસર લાગી તેનું સાચું કારણ સામે આવ્યું નથી. પ્રાપ્ત માહિતી મુજબ, નવા માર્કેટ યાર્ડમાં આવેલ ટ્રાન્સપોર્ટ નગરની બાજુમાં આવેલ માર્ચના ગ્રાઉન્ડમાં ખેડૂતો દ્વારા ઉતારવામાં આવેલ મરચાની ભારીમાં એકાએક આગ ભડકી ઉઠી હતી.
આગ લાગવાની જાણકારી સામે આવતા ગોંડલ નગરપાલિકાના ફાયર વિભાગના જવાનો 2 ફાયર સાથે ઘટના સ્થળ પર દોડી આવ્યા હતા અને આગ પર પાણીનો મારો ચલાવી આગ બુઝાવવાની કામગીરી હાથ ધરવામાં આવી હતી. તેની સાથે યાર્ડ ના પણ 2 પાણીના ટેન્કર દ્વારા આગ પર કાબુ મેળવવા પાણીનો મારો ચલાવવામાં આવ્યો હતો. આગના લીધે ખેડૂતોના સંપૂર્ણ માલ બળીને ખાખ થઈ ગયો હતો. આ દરમિયાન યાર્ડના વાઇસ ચેરમેન તાત્કાલિક ઘટના સ્થળ પર દોડી આવ્યા હતા અને અન્ય ગ્રાઉન્ડમાં પડેલ મરચાની ભારી અન્ય સલામત સ્થળે ખસેડવા કામગીરી હાથ ધરવામાં આવતા મોટા પ્રમાણમાં ખેડૂતોના માલ બચાવી લેવામાં આવ્યો હતો.
તેની સાથે માર્કેટ યાર્ડના અધિકારીઓ દ્વારા જણાવવામાં આવ્યું છે કે, મરચા ના ગ્રાઉન્ડમાં લાગેલ આગથી નુકશાન પહોંચેલ ખેડૂતોને વળતર ચુકવવામાં આવશે. ગોંડલ માર્કેટિંગ યાર્ડમાં 2200 થી 2500 ભારી આગમાં ખાખ થઈ ગઈ હોવાનું સામે આવ્યું છે. જ્યારે હજુ પણ અંદાજીત 13000 ભારી ગ્રાઉન્ડમાં રહેલી છે. આગ લાગવાની શરૂઆત થતા જ માર્કેટિંગ યાર્ડના અધિકારીઓ, કર્મચારીઓ, વેપારી મંડળોએ સાથે મળીને અનેક બોરીઓ સળગતી આગમાંથી બહાર કાઢીને બચાવી લીધી હતી.
તેમાં પણ જાણકારી સામે આવી છે કે, અંદાજીત 12,000 ભારી આગની ઝપેટમાંથી બહાર લાવીને બચાવી લેવામાં આવી હતી. તેની સાથે જે ખેડૂતોના મરચા બળીને ખાખ થઈ ગયા છે તેના માટે કારોબારીની મીટીંગ યોજાશે. આ બેઠક દરમિયાન યોગ્ય ન્યાય મળે તે રીતે ખેડૂતોને તેનું વળતર ચુકવવામાં આવશે.
- સુહાગરાતે વરરાજા રાહ જોતો રહ્યો, દુલ્હન દરવાજો બંધ કરીને બીજા સાથે બાઇક પર ભાગી ગઈ
- જમ્મુ-કાશ્મીરમાં ગઇકાલે માર્યા ગયેલા 3 આતંકવાદીઓ પાસેથી મોટી માત્રામાં હથિયારો અને રોકડ મળી આવી, VIDEO સામે આવ્યો
- પ્રેમમાં પાગલ રાજકોટના યુવકે અમદાવાદની 19 વર્ષીય વિદ્યાર્થિનીના અંગત ફોટો ઇન્સ્ટાગ્રામમાં વાયરલ કર્યા, છોકરીએ નોંધાવી પોલીસ ફરિયાદ
- Budget 2025: હવે 12 લાખ સુધીની આવક કરમુક્ત, બજેટમાં આવકવેરા અંગે મોટી જાહેરાત
