રાજ્ય સહિત સમગ્ર દેશમાં દરરોજ રોડ અકસ્માતમાં મોત થતા હોવાનું સામે આવતું રહે છે. લોકોની બેદરકારીને કારણે અકસ્માત ના મોત માં વધારો થઈ રહ્યો છે, હાલના સમયમાં આ રોડ અકસ્માતમાં મોટા વધારો નોંધાઈ રહ્યો છે. ત્યારે આ અકસ્માત માં બનાવમાં નાનાથી લઈને મોટા દરેક ભોગ બનતા રહે છે. ત્યારે વધુ એક અકસ્માત બનાસકાંઠાના થરાદથી સામે આવ્યો છે.
પ્રાપ્ત માહિતી મુજબ, બનાસકાંઠાના થરાદ-સાંચોર હાઈવે પર ચાલી રહેલા નાળાના કામ કાર ખાબકતા અકસ્માત સર્જાયો છે. જાણકારી મુજબ, આ હાઈવે ગાયત્રી મંદિર અને ગાયત્રી હાઇસ્કૂલ પાસે ફોરલેન રોડની કામગીરી ચાલી રહી છે. એવામાં રાત્રીના થરાદ-ડીસા ચાર રસ્તાથી એક મારૂતિ કાર ફૂલ ઝડપે આવી રહી હતી અને તે નાળામાં ખાબકી ગઈ હતી. તેના લીધે અકસ્માત સર્જાયો હતો.
આ મામલામાં સ્થાનિક લોકો દ્વારા જણાવવામાં આવ્યું છે કે, આ કારમાં ત્રણ લોકો રહેલા હતા. તેમને ઈજા પહોંચતા 108 મારફતે નજીકની હોસ્પિટલમાં સારવાર માટે લઇ જવામાં આવ્યા હતા. થરાદ પોલીસ સ્ટેશનમાં આ મામલામાં તપાસ કરવામાં આવી તો ગાડી અંગે કોઈ ગુનો દાખલ કરવામાં આવ્યો ન હોવાનું સામે આવ્યું છે. થરાદ માર્કેટયાર્ડ થી શીત કેન્દ્ર સુધી ફોરલેન રોડ બનાવવાનું કામ ચાલી રહ્યું છે. એવામાં આ કામગીરી દરમિયાન આ કારનો અકસ્માત સર્જાયો છે.
