રાજ્યમાં હાલ વરસાદી માહોલ બન્યો છે છેલ્લા થોડા દિવસોથી રાજ્યમાં ભારે વરસાદ વરસ્યો છે તેના લીધે કેટલાક વિસ્તારોમાં પાણી ભરાયેલા છે. એવામાં હવામાન વિભાગ દ્વારા વરસાદને લઈને મોટી આગાહી કરવામાં આવી છે. રાજ્યમાં આગામી બે દિવસ રાજ્યમાં ભારે વરસાદનું રેડ, યેલો અને ઓરેન્જ એલર્ટ જાહેર કરવામાં આવ્યું છે.
હવામાન વિભાગના ડાયરેક્ટર એ. કે દાસ દ્વારા જણાવવામાં આવ્યું છે કે, આજે કેટલાક વિસ્તારોમાં અત્યંત ભારે વરસાદની આગાહી ની સાથે રેડ એલર્ટ આપ્યું છે. તેની સાથે બનાસકાંઠા, સાબરકાંઠા, નવસારી, વલસાડ, દમણ અને દાદરા નગર હવેલીમાં અત્યંત ભારે વરસાદની આગાહી ની સાથે રેડ એલર્ટ આપવામાં આવેલ છે. જ્યારે પાટણ, મહેસાણા, સુરત, તાપી અને ડાંગ માં ભારે થી અતિ ભારે વરસાદની આગાહી ની સાથે ઓરેન્જ એલર્ટ આપવામાં આવેલ છે. ત્યારે બાકીના જિલ્લાઓ માં આજે ભારે વરસાદ સાથે યેલો એલર્ટ આપવામાં આવેલ છે.
તમને જણાવી દઈએ કે, અમદાવાદ, ગાંધીનગર, અરવલ્લી, મહીસાગર, દાહોદ અને પંચમહાલમાં આજે ભારે વરસાદનું યેલો એલર્ટ આપવામાં આવેલ છે. જ્યારે ભાવનગર, અમરેલી, આણંદ, વડોદરા, છોટાઉદેપુર, ભરૂચ અને નર્મદાના આજે ભારે વરસાદની આગાહી સાથે યેલો એલર્ટ આપ્યું છે.
